Bentley Bentayga без W12, но добива повеќе луксуз

Bentley Bentayga беше првиот вистински хиперлуксузен SUV, теренец кој сериозно ја засени конкуренцијата, но другите производители почнаа да фаќаат чекор и сега имаат вистински одговор. Од друга страна Bentley веќе направи еден фејслифт на Bentayga за 2021 година, но сега време е за уште едно ажурирање.

Без W12 под хаубата!

Bentley ова не го нарекува фејслифтинг, а всушност речиси и да нема визуелни надградби. Но, сеопфатните ажурирања на SUV за 2024 година се посуштински од она што вообичаено го добиваме за промените во средината на годината и вклучуваат повеќе опрема и додавање на сосема нова класа. Сепак, најважното од се е дека го нема повеќе W12 моторот, затоа што Bentley го исфрли Speed кога го отфрли големиот мотор оваа година. Единствените достапни погонски единици за 2024 година се V6 PHEV со 449 КС и би-турбо V8 со 550 КС.

Големата вест за 2023 година беше доаѓањето на подолгата, Bentayga EWB (Проширено меѓуоскино растојание), а за 2024 година некои од најзабележителните елементи на истегнатиот автомобил се пробиваат до пократкиот модел. Еден од нив е управувањето на задната оска, кое сега е стандардно вградено во Bentayga S и Azure, а е опционално кај другите модели, помагајќи да се намали радиусот на вртење во урбани средини и правејќи го теренецот да се чувствува поагилен при маневрирање во помали површини

Исто така, опционални на оваа верзија се и седиштата на „авионските“ седишта за кои еден од секои двајца клиенти на EWB се одлучува. Тие можат да применат 177 поединечни промени на притисокот во шест целосно независни зони на притисок во период од три часа за да го намалат заморот и се потпомогнати од автоматскиот климатски пакет вграден во секое столче.

Останати додатоци

Други додатоци поврзани со технологијата, од кои некои се достапни на многу поприфатливи автомобили веќе со години, вклучуваат далечински паркинг со паметен телефон за прв пат и камери со 3D Surround View кои ќе ви помогнат да ги зачувате новите 21-инчни тркала од удари. Има и нова hifi опција „Bang & Olufsen for Bentley“, осум нови бои за надворешноста, поодржливи материјали, капачињата на ретровизорите и облогите на браниците можат да се обложат со карбон со избирање на пакетот Styling Specification.

Но, можеби најважно, Bentley додаде нов модел „А“ за да помогне да се премости јазот помеѓу стандардната Bentayga и луксузниот Azure. Добива уникатни значки „А“, 21-инчни тркала со машински финиш, Azure решетка, вентилирани седишта за масажа во една од 15-те достапни бои на кожа и избор од три дрвени облоги на контролната табла.

Цените за ажурираниот SUV за 2024 година не се објавени.