Женева 2018: VW I.D. Vizzion ја навести иднината на германскиот бренд
Volkswagen ги објави првите фотографии и информации на новиот концептен автомобил кој ќе биде прикажан на салонот за автомобили во Женева на почетокот од следниот месец
VW I.D. Vizzion има за цел да ја покаже насоката во која ќе се развива автомобилскиот гигант, како на полето на дизајнот, конструкцијата и технологии. Автомобилот е целосно автономен и нема управувач и педали.
Патниците ја поставуваат дестинацијата со гестови и гласовни команди. Со 111kWh батерија се напојуваат два електрични мотори, чија системска моќ е 302 коњски сили. Максималната брзина е 180 km/h, а со едно полнење на батеријата автомобилот може да мине над 600 километри.
Vizzion е четвртиот концепт на серијата I.D, која веќе го вклучува стандардот I.D., I.D. Buzz и I.D. Cross. Се очекува сите тие да се претворат во сериски модели, а најверојатно слична ќе биде судбината и на оваа најнова студија.
