НАСЛОВНАНОВИТЕТИ

Спортскиот седан Jetta во GTI пакување

Германскиот производител на саемот во Чикаго ни ја претстави спортската изведба на компактниот спортски седан Jetta, кој сега доаѓа и со моќност од 228 коњски сили

Седмата генерација на Volkswagen Jetta доби и своја спортска изведба која беше претставена пред американската публика на сеамот во Чикаго кој се одржува овие денови. Oпремена со 2.0 литарскиот четири-цилиндарски турбо мотор кој го користи и Golf GTI, новата Jetta GLI има излезна моќност од 228 коњски сили и вртежен момент од 350 Nm.

За да управуваат со оваа моќност, VW нуди избор помеѓу шест-степен рачен и седум-степен автоматски DSG менувач со двојна спојка, пропратен од старт-стоп функцијата која придонесува за поголема горивна ефикасност.

Благодарение на спортскиот систем за потпирање, GLI е за 1,5 cm пониска од стандардниот модел. Покрај погонскиот агрегат, спортскиот седан користи и други системи од Golf GTI, како 13,4 инчните предни кочни дискови, електронски управуваниот диференцијал со ограничено лизгање и електричниот управувачки систем со варијабилен однос.

Стилските знаци на GTI се забележуваат по целата надворешност на новиот GLI, како и предната црна „саќе“ решетка со карактеристичната црвена линија, црвените кочни шапи, уникатниот заден браник со интегриран дифузер и двојни хромирани издувни цевки. Како дел од стандардната опрема ќе бидат предни LED фарови и сет од 18-инчни алуминиумски фелни карактеристични за овој модел.

Возачката кабина на GLI всушност претставува добро опремена Jetta. Црната внатрешност е нагласена со контрастни црвени детали нанесени на управувачот, менувачот, потпирачот за рака, патосот и секако на спортските седишта.

Jetta

Основниот пакет на опрема е прилично богат и вклучува се од загреани седишта и двозонска автоматска клима, до амбиентално осветлување од 10 бои, автоматски брисачи, пристап без клуч и инфозабавен систем со Apple CarPlay и Android Auto.

Како дополнителни опции може да се одберат дигитална управувачка табла, 400-ватен Beats аудио систем и др. Што се однесува до динамиката на возењето, возачите на GLI ќе имаат можност да изберат помеѓу четири режими на возење, вклучувајќи и сопствени поставки каде може да се зачуваат поединечни параметри.

Од овој модел, Volkswagen ќе понуди и посебна верзија посветена на 35-годишнината на Jetta, која пак ќе доаѓа со сет од уникатни црни тркала со црвена лента, црн покрив стилски поврзан со капаците од страничните ретровизори, како и соодветни амблеми и ознаки по внатрешноста и надворешноста.

Адаптнивната суспензија ќе биде исто така дел од стандардната опрема на оваа верзија, која ќе може рачно да се прилагоди заедно со петтиот режим за возење.

Продажбата на новата Jetta GLI се очекува да започне оваа пролет.

Клучни зборови

Поврзани вести

Може и ова да ви се допадне

Close
Close