Aston Martin DBX ќе биде многу поразличен од Vantage
Aston Martin сé уште припаѓа на малата група на производители на автомобили кои немаат SUV модел во нивната гама
![DBX](https://avtoplus.mk/wp-content/uploads/2017/11/Aston-Martin-1200-1-780x405.jpg)
Сепак, ова ќе се промени во наредните години, а тоа ќе биде, како најавуваат Британците, со исклучително интересна креација.
Во март 2015 година се појави концептот DBX, кој реално не ги остави рамнодушни и најконтроверзните. Иако концептот наиде на невидени симпатии, дизајнерите на брендот се категорични дека сериската верзија на кросоверот нема да има многи допирни точки со прототипот, а нема да има многу заедничко ниту со DB11 или со новиот Vantage, прикажан оваа недела.
Потпретседателот на компанијата и директор на секторот за дизајн, Марек Рајхман објасни дека „DBX нема да личи на ниту еден друг модел на Aston Martin, па ниту на концепт“ и не пропушти да ги разбранува страстите во јавнноста, особено кај ривалите на компанијата на овој фронт.
– Платформата на која е поставена DBX е наша, па ќе добиеме поинаков автомобил, рече Рајхман. – Тоа не е Audi, кој е многу близок со Bentley или лицето на Volkswagen со oна на Porsche. Знаете дека Cayenne беше пуштен како модел на Porsche, но неговиот развој започна како модел VW, a исто беше и со Bentayga, чиј креатор е Audi.
DBX треба да излезе на пазарот во крајот на 2019 или почетокот на 2020 година, а палетата на мотори најверојатно ќе го вклучува новиот 4-литарски мотор кој доаѓа од AMG, како и 5,2-литарски V12 на Aston Martin. И во двата случаји моторите се со две турбини. Секако, DBX ќе има и електрична верзија, не затоа што концептот беше претставен како електромобил, туку поради фактот што компанијата сака да присуствува и на овој пазар.