Audi официјално го најави влезот во Formula 1!

Минатиот мај, VW Групаијата потврди дека и Audi и Porsche ќе се приклучат во Formula 1 со намера да ги искористат најавените промени во регулативите за сезоната 2026. Во меѓувреме, на општо изненадување, Audi Sport го покажа изгледот на својот болид, притоа објавувајќи официјално соопштение за влез во F1, напоменувајќи го и развојот на сопствениот хибриден погон. Audi до крајот на годината ќе открие и со кој F1 тим ќе влезат во шампионатот.

Почнувајќи од концептот, станува збор за макета со која се прикажува „униформата“ на тимот, бидејќи дизајнот на едноседите за сезоната 2026 сè уште не е финализиран. Тој е обоен во боите на Audi Sport со црвена, црна, сребрена и бела графика, со амблемот со четирите прстени на задното крило. Аеро елементите изгледаат слично на болидите од тековната сезона со уредно интегриран ореол и гуми на Pirelli.

F1 хибриден погон развиен од Audi Sport

Најавата на Audi вклучува и некои нови информации за влезот во F1. Новиот хибриден погон за тркачкиот автомобил ќе го развива Audi Sport во објектот во Нојбург а дер Донау, Германија, кој се наоѓа во близина на седиштето во Инголштад. Поранешниот инженер на FIA Адам Бејкер ќе биде извршен директор на новиот ентитет што ќе биде создаден за проектот F1 на Audi. Како што откри Оливер Хофман, член на одборот кој е одговорен за технички развој, ќе има тесна врска помеѓу проектот Formula 1 и одделот за технички развој на Audi AG, што ќе овозможи синергии.

Покрај тоа што ќе се потпира многу на електрификацијата, новиот погонски агрегат ќе користи и одржливи горива на патот кон F1, кој ќе стане СО2-неутрален спорт до 2030 година. Моторот со внатрешно согорување ќе произведува близу 544 КС, при што електричниот мотор е „речиси исто толку моќен“. Audi Sport мора да го почитува ограничувањето на трошоците за производителите на погонски единици што ќе биде воведено во 2023 година, покрај постојното ограничување на трошоците за F1 тимовите. Ова ново правило им олеснува на компаниите да влезат во Formula 1 со намалување на поврзаните трошоци за истражување и развој.

F1 како план за развој

За време на прес-конференцијата на Formula 1 Белгиското Гран При во Спа-Франкоршамп, Маркус Дузман, претседател на управниот одбор на Audi AG, рече: „Мотоспортот е составен дел од ДНК-та на Audi. Formula 1 е и глобална сцена за нашиот бренд и многу предизвикувачка развојна лабораторија. Комбинацијата на високи перформанси и конкуренција е секогаш двигател на иновациите и трансферот на технологија во нашата индустрија. Со новите правила, сега е вистинското време да се вклучиме. На крајот на краиштата, Formula 1 и Audi имаат јасни цели за одржливост“.

Конечно, Audi најави реструктуирање на својот оддел за моторспорт со Ролф Михл кој ќе го замени Јулиус Зебах како извршен директор на Audi Sport почнувајќи од 1 септември. , ќе се пресели во „нова стратешка деловна област во техничкиот развој“.

Според последните извештаи, се шпекулира дека Audi е во преговори со Sauber, по промената на плановите по раскинувањето на договорот со MсLaren, додека Porsсhe планира да купи 50 отсто од акциите на Red Bull Raсing. Ќе видиме дали тие гласини се точни пред крајот на 2022 година кога Audi Sport ќе објави официјално соопштение за својот нов партнер. Откако се откажа од Formula E и LMDh, Audi Sport сега се фокусира на нивниот успешен влез во Рели Дакар и нивниот амбициозен проект во F1.