Audi се пофали со новиот бренд идентитет

Кампањата на Audi за новиот бренд идентитет, прикажува електрична, дигитализирана и емоционална иднина, а во истата се наоѓаат моделите како Q8 и e-Tron Sportback, како и концептните автомобили AI:ME и Q4 Sportback e-Tron.

„Со редефинирање на нашата бренд стратегија ние даваме модерна дефиниција на Vorsprung и се подготвуваме за иднината – за новата автомобилска ера и за нашите клиенти“, изјави постариот потпретседател на Audi, Хенрик Вендерс. Тој исто така додава дека целта на Audi e „да се подобрат животите на луѓето преку технологијата и да се даде допринос за општеството“.

Една од првите работи за германскиот производител е да се обединат неговите глобални маркетинг активности почнувајќи од сега, додека исто така земајќи ги предвид културолошките и специфичните барања според земји. Во меѓувреме, „Vorsprung durch Technik“ останува како слоган на компанијата.

Кога станува збор за рамката на кампањата за новиот бренд идентитет, неговата презентација ќе биде „проследена со прогресивниот премиум имиџ на компанијата“, додека „намалениот, чист стајлинг ќе биде евидентен во нов визуелен јазик“.

Настрана нивните платформи, Audi веќе ја започна својата електрична офанзива преку Artemis проектот, кој според првиот човек на VW групацијата, Херберт Дис, го постави брендот од Инглоштад во позиција каде што конечно ќе може да се надева дека ќе ги достигне производителите како Tesla.

За време на генералниот собир на Audi, Дис истакна дека мал тим на специјалисти веќе работат на „електричен автомобил од следната генерација“, кој ќе пристигне во 2024 година.