Automobili Pininfarina B95 е хиперавтомобил од 4,4 милиони евра

По Pininfarina Battista, италијанскиот производител на автомобили го покажа и новиот концепт Automobili Pininfarina B95. Оваа креација од 4,4 милиони евра беше претставена како дел од Неделата на автомобили во Монтереј, е ограничена на само 10 единици и го дели својот погон со Battista.

Ексклузивниот двосед на отворено има прекрасна силуета користејќи ја актуелната дизајнерска филозофија на PURA на Pininfarina и изгледа релативно едноставно во споредба со каросеријата на Battista. На предниот дел доминира испакнатиот сплитер и тенките LED фарови, сместени на ниско поставен панел која постепено се прелева нагоре кон изразените предни браници и хаубата со вертикални линии.

Ексклузивна изработка

Да се направи B95 (скратено од Barchetta 95) уникатен од повеќето други „спидстери“ и „баркети“ што беа лансирани во последниве години е фактот што и возачот и патникот имаат уникатни, електронски прилагодливи аеро екрани. Тие се инспирирани од старите борбени авиони и се направени од проѕирен поликарбонат со отворени алуминиумски потпори и лесно може да се подигнат и спуштаат за да се подобри удобноста.

Примерокот кој ќе биде претставен во Монтереј е завршен првенствено во сива нијанса, позната како Bronzo Superga, која е контрастирана со жолтите акценти на Giallo Arneis напред и потпирачот од страна на возачот. Автомобилот, исто така, има бројни акценти од карбон и е опремен со 20-инчни предни и 21-инчни задни алуминиумски тркала обоени во мат црна боја со изложени алуминиумски надворешни страни. Сопирачките шапи се завршени во Giallo Arneis.

Pininfarina се погрижи внатрешноста на B95 да биде исто толку посебна како и надворешната. Извајаната контролна табла од карбон со пловечки дизајн на крилата веднаш го привлекува вниманието и е обработена во Tan Sustainable Luxury кожа. Седиштата имаат иста кожна завршница додека потпирачите за глава се Pied de Poule Houndstooth Luxury Textile со црно-бели елементи.

Безброј опции за персонализација

Како што би очекувале за возило кое чини толку, на клиентите ќе им бидат понудени практично бескрајни опции за прилагодување и персонализација кога ќе го нарачаат својот B95.

Како и Battista, Pininfarina B95 е опремен со литиум-јонски батерии од 120 kWh, кои ги напојуваат четирите електрични мотори за да испорача комбинирана моќност од 1.900 КС. Може да достигне до „стотка“ за помалку од 2 секунди, а максималната брзина надминува 300 км/ч, што е повеќе од доволно брзо за автомобил без ветробранско стакло. Батеријата може да се наполни од 20-80% за само 25 минути.

„Ова е највозбудливото поглавје од приказната за Automobili Pininfarina досега – правиме уште еден голем чекор напред“, рече извршниот директор на Automobili Pininfarina, Паоло Делача. „Воведувањето на B95 е трета од трите основни градежни блокови ова лето за нашиот бренд. Прво, го претставивме Battista Edizione Nino Farina, ексклузивна прослава на тркачкиот син на Пининфарина – исто така првиот светски шампион во Formula 1. Лансирањето на дизајнерскиот концепт PURA Vision потоа отклучи нова дизајнерска филозофија за сите идни модели од нашиот бренд, низ спектар на различни сегменти. Сега, нашата нова Barchetta покажува како може да се применат овие принципи на дизајн – со ретро-футуристичка визија што ги спојува класичните теми за моторспорт со најновите технолошки иновации, материјали и процеси“.

Производството на Pininfarina B95 ќе започне во 2025 година, истата година кога компанијата ќе ја прослави својата 95-годишнина.