BMW го планира i6 како одговор на E-Tron, EQS и Taycan

Германскиот премиум гигант BMW подготвува модел кој ќе им конкурира на електричните лимузини на своите најголеми конкуренти во индустријата

Со веќе потврдените модели iX3, iNext и i4, кои до крајот на 2021. година ќе бидат претставени, во BMW планираат и други електрични автомобили. Меѓу нив би требало да се најде и BMW i6. Овој модел ќе ги преземе стилските елементи на Серија 8 Gran Coupe со што баварскиот производител ќе му конкурира на Porsche Taycan но и идните модели како што се Audi e-Tron и Mercedes EQS.

Тоа значи дека можеме да очекуваме електрично BMW купе со четири врати и тоа веројатно во текот на 2024. година.

Во гамата по се судејќи ќе се најдат две верзии, послабата ќе располага со два електромотори и вкупно 400 kW/544 КС, а посилната M Performance варијанта со 500 kW/680 КС. Двете верзии исто така ќе имаат и погон на сите четири тркала.

На купувачите на BMW i6 можно е да им се понуди и избор меѓу батерии од 90 kWh која ќе понуди автономија од околу 560 километри, или од 120 kWh која нуди автономија од 700 километри.

Клучни зборови

Поврзани вести

Back to top button
Close