CES 2019: Nissan Leaf доби 62 kWh батерија
За време на специјализираниот саем за Електроника CES во Лас Вегас, Nissan претстави за прв пат во светот две нови верзии на најпродаваниот на територијата на Европа електричен автомобил Leaf.
Leaf 3.Zero, кој е достапен за нарачка во Европа, дебитираше со освежена верзија и батерија од 40 kWh, со нови бои, нова NissanConnect EV апликација и друго.
Главната новина кај Leaf сепак се нарекува 3.Zero е + Limited Edition, која исто така е достапна за нарачка и ќе биде произведена во 5.000 единици за Европа. Електромобилот е опремен со нова батерија со капацитет од 62 kWh, моќност од 217 коњски сили и зголеменa автономија за 40% или 385 километри со едно полнење.
Цената на Leaf 3.Zero започнува од околу 39.900 евра, а онаа на Limited Edition од 45.500 евра. Првите испораки се очекува да бидат реализирани во мај, целосно достапни ќе бидат во текот на летото на оваа година. И двата модели ќе располагаат со иновативни системи како e-Pedal и ProPILOT, како и со осум години или 160.000 километри гаранција на батерии.
Од Nissan исто така споделија дека со повеќе од 39.000 продажби во изминатата година, Leaf продолжува да биде најпродаван електричен автомобил во Европа, како и најдобро продаван глобално со над 380.000 реализирани единици од промоцијата на пазарот во 2010 година.
