Dacia Sandero Stepway доби нова базна верзија
Гамата на Dacia Sandero Stepway хечбек во Европа е дополнета со нова модификација која исто така ќе биде ценовно најприфатлива
Урбаната верзија доаѓа со бензински мотор од 75 КС со цена од 10.500 евра. Досега на Стариот континент „поткренатиот“ хечбек беше достапен со два мотори – бензинец турбомотор со 3 цилиндри и зафатнина 0.9 литри, како и со 1.5-литарски дизел. Моќта на двете единици е по 90 КС. Досега бензински мотор од 75 КС беше достапен со стандардниот хечбек Dacia Sandero, кој исто така е најевтин во понудата. Сега моторот е достапен и за Sandero Stepway, што треба да го направи моделот уште попопуларен.
Цената на оваа модификација е 2.200 евра пониска од моделот со бензински турбо мотор и рачен менувач.
