ИНТЕРЕСНОНАСЛОВНА

Дали следи ликвидација на Chrysler?

Како што потенциравме во повеќе наврати, Серџо Маркионе, шефот на FIAT-Chrysler, ќе одржи средба со инвеститорите во гигантот, со цел утврдување на стратегија за развој во наредните неколку години на компанијата

Според првичните и неофицијални податоци на Automotive News од неименуван европски новинар, FCA планира да го ликвидира целосно еден од најстарите брендови во Америка -Chrysler. Oсвен тоа, потврдено е и она за што пишуваше и Авто Плус, повлекување на FIAT од пазарот во Северна Америка, како и Кина. Марката повторно ќе се фокусира на производство на достапни автомобили за Европа и Јужна Америка.

Важен дел од новата стратегија на корпорацијата, според Automotive News, ќе биде инвестирањето на многу средства во Jeep, бидејќи ова е најуспешниот бренд од портфолиото на FCA во моментов. Сепак, шокантна е и информацијата за постоечка можност Alfa Romeo и Maserati да бидат споени во една заедничка спортска дивизија, која ќе нуди моќни модели од сите класи на пазарот. Маркионе е лидер на FCA повеќе од 14 години, а следната година ќе биде последна за неговиот мандат.

Се очекува уште оваа недела тој да постави основи за развој на производителот за следните пет лета.

Chrysler

Клучни зборови

Поврзани вести

Close