Defender од филм со Џемс Бонд на аукција
Аукциската куќа Bonhams пушта на аукција еден од десетте теренеци на Land Rover Defender, изградени специјално за 24-от филм од серијалот за Џемс Бонд, под името Spectre
За разлика од другите девет примероци од филмот, оној што се нуди е подготвуван дополнително од работилницата за тјунинг на фабриката, SVO и студиото Bowler. Автомобилот зема директно учество во акционите престрелки, а целосното име на теренецот е Land Rover Defender SVX ‘Spectre’ 4×4 Utility. Во неговата основа лежи продолжена модификација на 110, а опремен е со спортски амортизери Bilstein, како и со 37-инчни тркала. Седиштата се Recaro и има многу дополнителна опрема во внатрешноста. Специјалистите на Bowler работеле на моторот, зголемувајќи го од 122 на 187 коњски сили и максималниот вртежен момент од 300 до 499 Nm.
Почетната цена на овој Defender е 250.000 фунти.
