Детроит 2018: Специјално издание на Ford Ranger за САД
Американскиот производител Ford го претстави на домашната изложба во Детроит актуелниот пикап Ranger со целосно нов дизајн, специјално направен за пазарот во САД
![Ranger](https://avtoplus.mk/wp-content/uploads/2018/01/F-n-5-780x405.jpg)
Преработениот практичен автомобил ќе се продава со две конфигурации на кабината – SuperCab (со половични задни врати) и SuperCrew (со четири врати). Ford го окарактеризира новиот модел како автомобил за урбаните жители кои го наметнуваат нивниот дух за комуникација со природата. Токму затоа новиот Ford Ranger е дизајниран за оние кои го комбинираат градскиот живот со off-road авантури во текот на викендот.
Рамката за пикапот е изработена од челик со висока цврстина, како и двата браници.
Под хаубата има редна „турбочетворка” EcoBoost со зафатнина од 2.3 литри во спрега со 10-степена автоматска трансмисија. Моќноста на моторот не е откриена, но во Mustang оваа изведба може да се пофали со 310 КС и 475 Nm. Во опремата на верзијата со задни тркала е вклучен диференцијал Dana Trac-Lok, а сите модификации на пикапот можат да бидат опремени со електронски заклучување на задниот диференцијал, кој доаѓа како стандардна опрема за верзиите FX2 и FX4.
Пакетот FX4 Off-Road се состои од специјални амортизери, автомобилски гуми и челична заштитна плоча одоздола, како и Terrain Management System за промена на поставката во зависност од подлогата. Има и функција Trail Control, која му овозможува на возачот да фискира брзина и да се фокусира исклучиво на воланот.
Кабината на новиот Ford Ranger е дизајнирана за пет лица. Во листата со достапна опрема на моделот како опција влегува имиџ системот SYNC 3 со 8-инчен екран на допир, како и колоритни дисплеи на инструменталната табла. За доплата има wi-fi 4G LTE пристап, 115-волтен излез, премиум аудио систем B & O Play, навигација и LED предна и задна оптика.