ECOBEST Challenge 2025: Шесто издание со 15 ЕВ модели

Од 26 до 28 мај 2025 година, во Ваирано, Италија, ќе се одржи ECOBEST Challenge 2025, шесто издание на единствениот независен европски тест за реална автономија на електрични возила. Организиран од AUTOBEST, овој настан има за цел да прикаже транспарентни, непристрасни и реални податоци за електричните возила (EV), тестирани во услови на реален сообраќај.

Единствен и сертифициран тест во реални услови

ECOBEST Challenge е прв и единствен европски независен тест во реален сообраќај, сертифициран по трет пат од страна на Bureau Veritas, водечка француска организација за сертификација. Сертификацијата го потврдува методолошкиот интегритет и објективноста на тестирањето, што е од суштинско значење за довербата на потрошувачите.

Тестот е поддржан и од водечкото италијанско списание за автомобилизам Quattroruote, кое ја обезбедува техничката експертиза и инфраструктурата на тест патеката во Ваирано, која оваа година слави 30 години постоење.

Уникатен метод и “human random factor” пристап

Тестирањето вклучува возење на 15 електрични модели на различни терени – градски, регионални и автопатски, во нормален и економичен режим. Возачите, избрани од различни европски земји, ротираат на секои 25 километри, со цел да се избегне влијанието на личниот стил на возење врз резултатите. Секој автомобил се вози сè додека батеријата целосно не се испразни.

ECOBEST Challenge мери седум клучни критериуми, вклучувајќи ја највисоката ефикасност, реалната автономија наспроти WLTP опсегот, резервната автономија по прикажано 0%, загубите при полнење, и други технички параметри од суштинско значење за купувачите на EV модели.

Листа на учесници во ECOBEST Challenge 2025

Во натпреварот ќе учествуваат следниве 15 електрични модели, сите со почетна цена под 65.000 евра (без даноци и државни субвенции):

1. Audi A6 Sportback e-tron Performance

2. BYD Dolphin Surf

3. Citroën ë-C3

4. Dacia Spring

5. Fiat Grande Panda

6. Ford Puma

7. Hyundai Inster

8. Kia EV3

9. Leapmotor T03

10. MINI Aceman

11. Opel Frontera

12. Peugeot e-3008

13. Renault 5

14. Škoda Elroq

15. Tesla Model 3 LR

Очекувања и објавување на резултати

ECOBEST Challenge не само што ги тестира техничките карактеристики на EV моделите, туку и ја евалуира ефикасноста на процесот на полнење, реалната потрошувачка и погодноста за секојдневна употреба. Резултатите од тестирањето, заедно со индексите на ECOBEST 2025, ќе бидат објавени на посебна онлајн прес-конференција по завршувањето на настанот.

Според Дан Варди, основач и претседател на AUTOBEST:

„Со ECOBEST Challenge, ние продолжуваме да им нудиме на корисниците од Европа реални бројки и мерливи податоци – токму она што им е потребно во транзицијата кон електричната мобилност.“