fbpx

Ford го обнови Mondeo за 2019 година

Светската премиера на обновениот Ford Mondeo се одржа на меѓународната изложба во Брисел. Со голем број нови надворешни и внатрешни стилски решенија и технолошки иновации, автомобилот за прв пат дебитираше во хибридна верзија.

Обновената верзија за 2019 година доаѓа и со бројни тенхололошки новости, вклучувајќи го и воведувањето на модерниот дволитарски EcoBlue дизелски агрегат, нова интелигентна осумстепена автоматска менувачка кутија која се прилагодува на стилот на управување на возачот, адаптивен круз-контрол со Stop & Go функција за автоматско сопирање и стартување, интелигентен ограничувач на брзината и многу повеќе.

Слично на веќе познатите Mondeo Hybrid верзии, неговата комби верзија доаѓа со хибриден погонски систем составен од двулитарски бензински мотор, електромотор и литиум-јонска батерија, со вкупна максимална моќност од 187 коњски сили. Од Ford велат дека системот за регенерација при сопирање е во можност да генерира 90% од енергијата за надополнување на батеријата и дека просечната потрошувачка на гориво е околу 4.4 литри на 100 километри.

Mondeo

За дополнителна оптимизација на движењето, возачите можат да се потпрат на системот SmartGauge кој овозможува следење на потрошувачката на енергија, како и сугестии во однос на употребата на сопирачката за зголемување на ефикасноста на системот за регенерација енергијата.

Од Ford исто така споделија дека моделот нуди товарен капацитет од 403 литри, а по преклопувањето до хоризонтална положба на задните седишта товарениот волумен се зголемува до импресивни 1508 литри.

Mondeo

Кај обновениот Mondeo, новиот дволитарски EcoBlue дизел мотор се нуди со три верзии на моќ- 120, 150 и 190 коњски сили, а во зависност од побарувачката, идните сопственици на возилото може да се потпрат на просечна потрошувачка на гориво од 4.5 до 4.9 литри на 100 километри.

Поврзани вести

Back to top button