GM се насочува кон вселената, ќе го гради новиот ровер на NASA

Се чини дека за General Motors нема никакви ограничувања, па покрај патиштата на земјата, сега се насочува и кон вселената

Пет децении откако беше дел од ваков проект, компанијата GM ќе помогне во развој на новиот Lunar Rover за NASA. Американскиот производител ќе ги здружи силите со Lockheed Martin за да произведе лунарно возило кое ќе може да отпатува многу подалеку од она кое го изгради за Аполо 15 мисијата во 1971 година. Тој ровер можеше да патува само 7,5 километри, но новото возило ќе биде дизајнирано да стигне до јужниот пол на Месечината.

За разлика од оригиналниот Lunar Rover кој имаше стил како картинг, овој ќе биде познат како Lunar Terrain Vehicle и ќе има самовозечки системи кои ќе овозможат да се подготви површината на Месечината за човечки слетувања, ќе нуди транспорт на товар и ќе го прошири својот опсег и корисност за научни експерименти спроведени во вселената.

GM ќе го поддржи Lockheed Martin, кој го предводи проектот и има соработувано со NASA 50 години во човечки и роботски истражувања во вселената.

„Овој баланс спојува моќни иновации од двете компании со цел да се направи трансформативна класа на возила. Подвижноста е клучна за да се овозможи и одржи долгорочното истражување на површината на Месечината. Овие ровери до следната генерација драматично ќе го прошират опсегот на астронаутите бидејќи ќе вршат високо приоритетна истрага на Месечината, што на крајот ќе влијае на разбирањето на човештвото за нашето место во Сончевиот систем“, изјави Рик Амброуз, извршен потпретседател на Lockheed Martin Space.

Возилото ќе се користи како дел од Artemis програмата на NASA, чија мисија е да го врати човекот на Месечината. Агенцијата истакна дека ќе ја испрати првата жена и првиот човек кој не е белец на површината на единствениот природен сателит на Земјата. Проектот сепак е фундаментален чекор кон една поширока мисија за испраќање на луѓе на површината на Марс.

Поврзани вести

Back to top button