Groupe Renault со нов рекорд
Groupe Renault објави дека по завршувањето на 2017 година, компанијата евидентирала најдобро пазарно претставување во Франција за последните шест години
![Groupe Renault](https://avtoplus.mk/wp-content/uploads/2018/01/Renault-1600-2-780x405.jpg)
Со рекордна продажба, за периодот од 2011 до 2017, групата регистрира пазарен удел од 26.4%, а реализацијата на патнички и комерцијални возила за изминатите 12 месеци се зголеми за 3,4% во однос на оствареното лани, до ниво од 673.869 единици. Во текот на изминатата година, продажбата на брендот Renault во Франција достигна ниво од 554.505 единици, што претставува зголемување од 2,7% во споредба со 2016, а кај Dacia се забележа раст од 6,5%, односно 119.357 автомобили.
По завршувањето на 2017 година, Renault е застапен со четири модели во Топ 10 најдобро продаваните во Франција, а Clio продолжува да биде најбараниот автомобил во земјата, осма година по ред, со нови 117.500 единици, а Captur, Megane и Scenic ги заземаат 5, 9 и 10 место во годишново рангирање. Twingo доминира во својот сегмент, држи повеќе од 25% во групата на ултра компактни градски автомобили, а Talisman и Espace се најдобро понудените предлози во своите сегменти.
Целосно електричното ZOE е единствениот лидер на францускиот пазар, а забележа раст од 33%, или 15.245 единици и пазарен удел од 61%. Со раст од 6,5% во текот на изминатата година, Dacia се најде на петтата позиција кај марките во Франција, а моделот од портфолиото на брендот – Sandero е на осма позиција во Топ 10.