Херојски подвиг на Хамилтон, од десетто место до победа во Бразил
Спектакуларен подвиг на Луис Хамилтон на трката за Големата награда на Бразил, каде успеа да дојде до победата на сензационален начин
![Хамилтон](https://avtoplus.mk/wp-content/uploads/2021/11/formula-1-brazilian-gp-2021-le-2-780x470.png)
На три трки до крајот на шампионатот во Formula 1, ситуацијата се вжештува. Британецот има 14 бода помалку од Ферстапен, а Луис Хамилтон на Интерлагос патеката покажа дека е најдобриот возач на денешницата и еден од најдобрите во историјата.
What a moment for @LewisHamilton as he wins from P10 on the grid in Brazil 🎧
Snatching back the momentum in the title race to close the gap on Max Verstappen 🏆#BrazilGP 🇧🇷 #F1 pic.twitter.com/8I4liVQrnn
— Formula 1 (@F1) November 14, 2021
Британскиот пилот имаше фантастична трка во Бразил. Поради неправилностите со DRS системот беше казнет и саботната спринт трка, со која се одреди стартниот поредок за денешната главна трка, ја стартуваше од 20 место, на истата се проби до петтото, но поради казната стартуваше дури како десетти. Ова не беше пречка за него, па на крајот од денешната трка успеа прв да мине низ целта. Ниту оваа трка не помина без „искри“ меѓу него и Макс Ферстапен, имаа еден „близок контакт“, но судиите оценија дека нема причина за казна за било кој од нив двајца.
Во 59-тиот круг од трката Хамилтон го искористи тоа што беше побрз на патеката во Сао Пауло од младиот Холанѓанец, го претекна и како татнеж стигна до победата, својата 101 во кариерата. Британецот одамна го собори рекордот по бројот на триумфи во историјата на Formula 1, а со секоја нова победа само го зголемува тој рекорден скор.
That moment when we all held our breath on Sunday 😮
No quarter given ⚔️#BrazilGP 🇧🇷 #F1 pic.twitter.com/GrN72yzRCP
— Formula 1 (@F1) November 14, 2021
Второто место на трката му припадна на Макс Ферстапен, па повторно имаме драма во борбата за титулата, бидејќи предноста на возачот на Red Bull сега падна на 14 бода во однос на актуелниот шампион Хамилтон. На третата позиција заврши вториот возач на Mercedes, Ботас, додека како четврти низ целта мина тимскиот колега на Ферстапен, Перез. На петтото и шестото место заврши тандемот на Ferrari, Леклер и Сајнц.
A race winning move ✅
A momentum-swinging move? 🤔@LewisHamilton passes @Max33Verstappen on his way to a win in Brazil that keeps his title hopes very much alive 🚀#BrazilGP 🇧🇷 #F1 pic.twitter.com/4CbdWlOGsS
— Formula 1 (@F1) November 14, 2021
До крајот на шампионатот остануваат три трки – Катар, Саудиска Арабија и Абу Даби, а ако се суди по она што го видовме викендов на Интерлагос, не очекуваат огромни возбудувања.