Италијанската влада го притиска Stellantis за нова фабрика

Италијанската влада издаде строго предупредување до Stellantis дека доколку не се обврзе да основа локална фабрика за производство на батерии, јавните средства ќе бидат преместени на друго место.

Stellantis вети дека ќе основа фабрика за батерии во Италија преку заедничкото вложување за батерии ACC во кое е најголемиот инвеститор, заедно со две други гигафабрики за батерии во Европа. Сепак, работата на погоните во Италија и Германија беа ставени на мирување претходно оваа година.

За време на неодамнешната конференција во Италија, министерот за индустрија Адолфо Урсо рече дека Stellantis мора да се посвети на проектот, или во спротивно е во опасност да изгуби 370 милиони евра од јавните средства од фондот за закрепнување на ЕУ за пост-Ковид 19.

„Stellantis мора да ни даде одговор, и тоа мора да го стори наскоро“, рече Урсо. „Ако Stellantis не ни даде позитивен фидбек во рок од неколку часа, ќе префрлиме… средства на друго место. Не можеме да си дозволиме да ги изгубиме овие средства затоа што Stellantis не се држи до своите обврски“. Урсо додаде дека министерството чекало одговори од Stellantis предолго и рече дека додека „владата го направила својот дел, компанијата не го сторила“.

ACC е делумно во сопственост на Mercedes и TotalEnergies и вели дека ќе ја потврди својата индустриска и градежна временска рамка подоцна оваа година или на почетокот на 2025 година. Првично се очекуваше да започне со работа во нова фабрика за батерии во Термоли, Италија, во 2026 година, но во моментов е ревидирање на плановите за оваа локација и за една во Германија „да се воведе нова технологија за производство на ќелии и модули, за да биде во согласност со еволуцијата на пазарот“.

Reuters пренесува дека забавувањето на побарувачката за електрични возила го натера производителот да го зголеми производството на компоненти за хибридни погонски единици во фабриката Термоли.