Виртуелниот електричен хиперавтомобил на Jaguar доаѓа сo 1006 КС

Новиот Jaguar Vision Gran Turismo Coupe е футуристички електричен хиперавтомобил, кој според производителот на автомобили е инспириран од богатото тркачко наследство на компанијата, повикувајќи се на класичните тркачки автомобили како C-Type и D-Type.

Jaguar вели дека виртуелниот модел е напојуван од три електрични мотори со комбиниран излез од 1006 коњски сили и 1.200 Nm вртежен момент. Едниот мотор е поставен на предниот, а другиот на задниот дел на автомобилот, со што тој е способен да забрза од 0 до 100 km/h за помалку од две секунди и притоа да достигне максимална брзина поголема од 322 km/h.

Надворешниот дизајн на Vision Gran Turismo Coupe комбинира прекрасни извајани крила со распоредливо активно аеро крило за да ги смени нивоата на моќност. Внатрешноста е фокусирана јасно на возачот, при што кокпитот е поделен со мост на кој седи рачката на менувачот.

Новиот Jaguar Vision Gran Turismo Coupe ќе биде достапен за играчите на Gran Turismo Sport кон крајот на ноември.