Jaguar Type 00 e концепт кој е најава за новиот електричен седан

Jaguar ја претстави својата нова визија за иднината со концептниот модел Type 00, електричен купе што најавува нова генерација возила на овој британски производител. Type 00, кој порано беше познат како Design Vision, претставува радикална промена во дизајнерската насока на Jaguar и служи како предвесник на новиот луксузен ГТ модел кој ќе биде откриен кон крајот на 2025 година, а во продажба се очекува во првата половина на 2026 година.

Дизајн: Револуција инспирирана од историјата

Type 00 ја комбинира модерната естетика со суптилни ретро елементи, потсетувајќи на иконскиот E-Type и неодамна укинатиот F-Type. Пропорциите, особено „cab-backwards“ профилот, ја акцентираат неговата спортска природа, додека дизајнот избегнува ретро клишеа.

Предниот дел е кардинално изменет – традиционалната решетка е заменета со модерна, правоаголна структура со хоризонтални линии и суптилно вградени LED светла. Задниот дел, пак, има индустриски изглед со широки браници и правоаголни светлосни панели. Забележливо е и отсуството на заден прозорец, што ја истакнува иновативната форма на багажникот.

Платформа и перформанси

Type 00 е изграден на новата JEA платформа, специјално дизајнирана за електрични возила. Според Jaguar, целта е да се постигне автономија од 478 км според WLTP стандардот или 430 км според EPA. Благодарение на брзото полнење од 100 kW, можат да се додадат 200 км автономија за само 15 минути.

Деталите за батеријата, моторите и други технички карактеристики засега не се откриени, бидејќи фокусот е ставен на дизајнот и визијата за брендот.

Внатрешност: Луксуз и минимализам

Внатрешноста на Type 00 е вистинска револуција за Jaguar. Наместо традиционални материјали како дрво и кожа, користени се камен, текстил и месинг, што дополнително ја истакнува елеганцијата и современиот дух на автомобилот. Особено впечатлив е месингениот декор, кој се протега низ целата кабина.

Централната конзола нема видливи дигитални екрани – тие се скриени и се појавуваат само кога се потребни. Новитет е и системот со „тотеми“ – мали објекти скриени зад надворешен панел, кои се поставуваат во централната конзола за да се изменат осветлувањето и приказот на информациите.

Наследство и иднина

Type 00 ја нагласува трансформацијата на Jaguar од премиум бренд во вистински луксузен производител, спремна да се натпреварува со најдобрите. Концептот ја рефлектира и заложбата за иновации, но и за зачувување на британските корени – пример за тоа е синото возило „London Blue“, инспирирано од златните денови на Jaguar во 1960-тите.

Со овој смел чекор, Jaguar ја поставува основата за целосно електрична иднина и нова ера на дизајн која ќе го дефинира брендот во следните децении.