fbpx

Камион на Nikola Corp доаѓа во Европа

До неодамна се веруваше дека американската компанија Nikola ги подготвува камионите со водород само за локалниот пазар

Компанијата веќе ги покажа моделите One и Two, кои ќе се натпреваруваат со електричниот камион на Тесла, но сега блиски извори наведуваат дека компанијата сака да влезе на пазарите во Европа. Засега, третиот модел на Nikola е само на цртеж, односно нема подготвен прототип.

Камионот ќе се вика Tre, и е типичен за европскиот пазар: со кабина без долга хауба и дополнителен кревет. Дизајнот на моделот е футуристички, при што надворешните огледала се заменуваат со камери. Сите дневни светла и елементи кои се наставаат на камионот, вклучувајќи ги и тркалата, се покриени со аеродинамични панели.

Nikola

Техничките детали за новиот камион на Nikola засега се непознати, но се верува дека се слични на моделите One и Two.

Tre ќе биде достапен во две варијанти на пренос: 6×2 и 6×4, а вкупната моќност во зависност од опремата ќе биде од 500 до 1000 КС. Досегот со едно полнење треба да достигне 1.200 километри. Исто така, се најавува дека европскиот Nikola Tre е во согласност со сите барања за тежина и габарит кои се однесуваат на континентот. Во камионот ќе бидат вклучени најсовремени електронски системи, како и комплетен автопилот.

Засега е познато дека компанијата нема да може да се справи со планот, кој предвидуваше трите камиони да излезат на пазарот во 2020-2021 година. Затоа и рокот за појавата на моделите е одложен за 2022-2023 година.

Поврзани вести

Back to top button