Британците се „разбудија“ по 25 години
Британската компанија Lister Motor Company, порано позната како Lister Cars, го најави својот прв нов модел за 21 век
![Lister](https://avtoplus.mk/wp-content/uploads/2018/02/L-n-780x405.jpg)
Супер изведбата се нарекува Thunder (Грмотевица) и ќе дебитира на шоуто Historic Motorsport International, кое ќе се одржи во Лондон од 15 до 18 февруари.
За Lister Motor Company, ова е првиот модел по 25 години. Всушност, тој претставува модернизирана верзија на Jaguar F-Type SVR. Особено за автомобилот е развиен нов преден браник. Тој е направен од карбонски влакна и е опремен со масивен преден сплитер. Автомобилот, исто така, има нов капак со дупки за вентилација, заден браник од јаглерод и поинаква решетка на ладилникот.
Под предниот капак на Thunder е 5.0-литарски V8 со компресор чија моќност е зголемена од 575 до 675 КС. Максималниот вртежен момент, исто така, се зголеми од 700 до 976 Nm. Забрзувањето од 0 до 100 km/h трае 3,2 секунди (3,7 секунди за стандардниот F-Type SVR) и до 160 km/h за 6,8 секунди. Максималната брзина е 335 km/h.
Lister Motor Company има намера да направи 99 единици oд возилото.
Трошоците за секоја машина ќе бидат 139.950 британски фунти. Освен тоа, компанијата нуди и специјална програма за сопствениците на модел на Jaguar, која вреди 19.950 фунти.