Mercedes го претстави новиот AMG GLC Coupe
Mercedes ги претстави новите перформансни AMG GLC Coupe верзии како алтернатива на стандардниот AMG GLC SUV
Откако ги претстави AMG GLC 43 и 63 S E Performance во SUV издание, Mercedes ги откри и купе варијантите на овие изданија со високи перформанси. Тандемот AMG GLC Coupe ги замени своите шест и осум цилиндрични мотори во старите модели 43 и 63 со хибридизирани четирицилиндрични агрегати.
Со ова, деновите на V6 и V8 моторите во моделите AMG GLC се минато. Наместо тоа, новиот M139l 2,0-литарски четирицилиндричен турбо мотор под хаубата на AMG GLC 43 и 63 S E Performance го жртвува карактерот и звукот за поголема моќност, како и подобра економичност на горивото и помали емисии.
Дополнително, новиот AMG GLC Coupe добива поелегантна каросерија наменета за оние кои преферираат автомобил кој е како седан, но помалку способен на патот и нешто повеќе практичност.
AMG GLC 43 Coupe со 421 КС
Во новиот AMG GLC 43, 2,0-литарскиот турбо-мотор со четири цилиндри работи со благ хибриден систем за да испорача комбинирана моќност од 421 КС и кратко засилување од 13 КС од стартер-генераторот при помали вртежи на моторот, заедно со 500 Nm максимален вртежен момент при 5.000 вртежи во минута. Силата се насочува кон сите четири тркала преку стандарден деветстепен менувач.
Mercedes тврди дека може да достигне електронски ограничена максимална брзина од 250 км/ч и да забрзува од нула до „стотка“ за 4,8 секунди. Интересно, времето на спринт се совпаѓа со актуелниот AMG GLC 43 со 3,0-литарскиот V6 со битурбополнач со 385 КС.
GLC 63 S E Performance Coupe со 680 КС
Оние кои бараат повеќе, ќе мораат да го изберат новиот GLC S E Performance. Тој користи уште помоќна верзија на турбо четирицилиндричниот M139l 2.0L кој произведува 476 КС, а потоа додава синхрон електричен мотор (PSM) со трајни 204 КС, батерија со високи перформанси и AMG Performance 4MATIC+ променлив погон на сите тркала. Вкупната моќност на овој систем е импресивни 680 КС со максимален вртежен момент од 554 Nm.
Спринтот од 0 до 100 км/ч трае само 3,4 секунди, а максималната брзина е електронски ограничена на 275 км/ч.
Шасијата, суспензијата и погонските единици се исти. Покрај тоа, и внатрешноста е речиси идентична како кај веќе претставениот AMG GLC.
Mercedes не објави никакви детали во врска со цената или достапноста во овој момент.
