Mercedes ги објави комплетните детали за новиот CLE Cabriolet

Mercedes ги откри целосните детали за CLE Cabriolet, откако минатото лето беше претставен „стандардниот“ CLE Coupe.

Mоделот ги следи стапките на CLE Coupe и ќе служи како замена и за C и за E Класа Cabriolet. Со оглед на ова, не е изненадувачки тоа што кабриолетот има акустичен мек покрив кој е достапен во црна, црвена или сива боја.

Покривот се напојува со електрична енергија и може да се подигне или спушти во рок од 20 секунди при брзина до 60 км/ч. Mercedes, исто така, напоменува дека автомобилот има функција која автоматски го одвојува преклопениот мек покрив од преостанатиот багажен простор. Сепак, покривот зафаќа добра количина на товарен простор бидејќи капацитетот на багажникот се намалува од 385 литри на 295 литри кога горниот дел е спуштен.

За да им биде удобно на патниците кога покривот е спуштен, има систем Aircap кој активира дефлектор на ветер од горниот дел на шофершајбната со притискање на копче. Ова го насочува протокот на воздух над главите на патниците, што го прави возењето во студените ноќи многу попријатно. Купувачите ќе најдат и втор дефлектор за ветер зад задните потпирачи за глава и помага да се намалат турбуленциите во кабината.

Во однос на големината, CLE Cabrio е долг 4.850 мм, широк 1.861 мм и висок 1.424 милиметри со меѓуоскино растојание кое опфаќа 2.865 мм. Mercedes забележа дека дополнителните 25 мм помеѓу тркалата го прави задното седиште многу поудобно од C-Класа Cabriolet и истакнува дека автомобилот има дополнителни 72 мм простор за колената.

Екслузивна кабина

Внатрешноста многу наликува на купето бидејќи возачите ќе најдат 12,3-инчен дигитален инструмент кластер, како и 11,9-инчен инфозабавен систем со портрет ориентација. Вториот има можности за TikTok и Zoom, како и дисплеј со можност за навалување од 15 до 40 степени за „да се спречи одвлекување на сјајот кога мекиот покрив е спуштен“.

Mercedes го опреми CLE Cabriolet со седишта од кожа и Nappa кожа кои ги рефлектираат сончевите зраци. Тие имаат специјална обвивка што ги рефлектира сончевите блиски инфрацрвени зраци и помага да се одржи кожата „до 12 степени поладна на директна сончева светлина отколку необработената стандардна кожа.

Кожата што го рефлектира сонцето е достапна во различни бои, вклучувајќи црна, Мacchiato беж/црна, Tonka кафена/црна, Power црвена/црна и бела/црна. Компанијата нуди и црна вештачка кожа.

На тема удобност, како стандарден дел од опремата е и системот за греење на ниво на вратот Airscarf. Може да му се придружат опции како што се динамично амбиентално осветлување и систем за опкружувачки звук Burmester 3D со 17 звучници, кој вклучува звучници во потпирачите за глава.

Мотор за сечиј вкус

Кога станува збор за перформансите, има асортиман на благи хибридни погонски единици, вклучувајќи 2,0-литарски дизел кој развива 197 КС и 440 Nm вртежен момент. Тоа му овозможува на моделот да забрза од место до „стотка“ за лежерни 7,9 секунди, пред да постигне максимална брзина од 234 километри на час.

Клиентите можат да изберат и турбо 2,0-литарски бензински мотор со четири цилиндри со 204 КС и 320 Nm вртежен момент. Оваа конкретна варијанта, позната како CLE 200, може да се добие со погон на задните или на сите тркала.

Помоќниот CLE 300 4MATIC доаѓа со помоќен 2,0-литарски четирицилиндричен турбо мотор кој произведува 258 КС и 400 Nm вртежен момент. Благодарение на дополнителната брзина, забрзувањето до 100 км/ч трае 6,6 секунди, додека максималната брзина се искачува на 250 км/ч.

Засега на врвот на гамата седи CLE 450 4MATIC. Се одликува со 3,0-литарска „линиска шестка“ со 381 КС и 500 Nm вртежен момент. Моторот му овозможува на автомобилот да забрза од место до „стотка“ за 4,7 секунди, пред да достигне брзина од 250 км/ч.

Во Германија нарачките се веќе отворени и цените започнуваат од 66.402 евра и се искачуваат до 88,357 евра (вклучувајќи ДДВ). Европските испораки треба да започнат кон крајот на април, а ќе следат и другите пазари.