Mercedes ја освежи комплетната постава на GLS за 2024

Mercedes GLS за 2024 година пристигнува со свеж изглед за целата гама, вклучувајќи ги и Maybach и AMG варијантите.

Визуелните ажурирања направени на „обичниот“ Mercedes-Benz GLS не се револуционерни, но привлекуваат внимание. Предниот дел, на пример, сега е означен со голема решетка со четири хоризонтални шипки со завршница во сребрена боја. Дизајнерите на Mercedes-Benz исто така се инспирираа од освежениот GLE со измени на предните доводи за воздух и опкружувањето. Промените направени на задниот дел се посуптилни и се состојат од нови задни светла.

Инфозабавниот систем MBUX на GLS за 2024 е ажуриран и може да се индивидуализира во три различни стилови. Во системот е вграден и Off-Road Mode, а моделите опремени со Parking Package и камера од 360 степени имаат и функција „проѕирна хауба“ која прикажува виртуелен поглед под предниот дел на теренецот. Додаден е и нов систем Trailer Maneuvering Assist.

Освежениот Mercedes-Benz GLS доаѓа со седум седишта, има две нови бои за кожа на располагање, а рлементите со сјајно црна пијано боја исто така се пренесени од претходниот Maybach GLS 600 на остатокот од семејството GLS.

Mercedes-Benz, исто така, го ажурираше Off-Road Engineering Package за да вклучи заштита за подвозјето и 30 милиметри дополнително растојание од подлогата.

Во Европа, ажурираниот модел ќе се нуди во моделите GLS 450 4Matic, GLS 580 4Matic, GLS 350d 4Matic и GLS 450d 4Matic. Почетниот модел испорачува 381 КС и 500 Nm вртежен момент, додека GLS 580 4Matic е оценет со 517 КС и 730 Nm, GLS 350d 4Matic има 269 КС и 650 Nm, а GLS 450d 4Matic се одликува со 367 КС и 750 Nm. Сите модели имаат и 48-волтен благ хибриден систем кој додава дополнителни 20 КС и 200 Nm вртежен момент, иако GLS 580 4Matic добива 250 Nm засилување на вртежниот момент од електричниот мотор.

AMG GLS

По ова на ред доаѓа Mercedes-AMG GLS 63 4Matic+. Може веднаш да се разликува од помалите модели благодарение на поагресивните панели, како и на неговиот заден LED светлосен потпис. Достапни се и две нови бои на Manufaktur Alpine Grey неметален и Sodalite Blue Metallic.

Голем број функции сега доаѓаат како стандардна опрема на GLS 63 4Matic+. Тие вклучуваат панорамски подвижен покрив, издувен систем AMG Performance, систем за звук Burmester, загреани и климатизирани предни седишта, Memory пакет и Parking Pilot со 360 степени. Mercedes-AMG, исто така, го ажурираше софтверот за системите за стабилизација на тркала и воздушно потпирање за да го зголеми ширењето помеѓу динамичкото управување и удобноста. Направени се и измени на ESP, електронски контролираниот диференцијал за блокирање на задната оска и системот за погон на сите тркала.

За напојувањето на GLS 63 4Matic+ и понатаму е задолжен 4,0-литарскиот битурбо V8 со 612 КС и 850 Nm вртежен момент, плус дополнителни 22 КС и 250 Nm од 48- волти благиот хибриден систем. Тоа е доволно за забрзувањето од место до „стотка“ да се достигне за 4,2 секунди, додека максималната брзина од е ограничена на 280 километри на час.

Maybach GLS

Mercedes-Maybach GLS 600 4Matic е ажуриран заедно со остатокот од гамата GLS и според компанијата, тој е уште порафиниран од моделот во заминување.

Надвор од освежувањето на надворешноста на GLЅ 600 4Matic за да ги одрази ажурирањата направени за остатокот од семејството GLЅ, Mercedes му даде на луксузниот SUV нова долна решетка со хромирана завршница. Дополнително, предната решетка е малку повисока од претходно, а радарската единица сместена во центарот на истата е исто така многу повидлива. Нови се и доводите за воздух на надворешните рабови на решетката.

Дизајнерите создадоа и нов сет од 23-инчни тркала за теренецот, а инсталиран е и нов систем за осветлување и ја проектира шемата на Maybach на патот кога ќе се отворат вратите.

Внатрешноста е исто така обновена. Навлаките на седиштата се нови и со дијамантски модел на кадифените кожни седишта. Клиентите ќе можат да ја доработат внатрешноста или во Manufaktur Crystal White/Silver Grey Pearl или Manufaktur Mahogany Brown/Macchiato Beige.

Како и другите модели на GLЅ, надворешноста на 2024 GLЅ 600 4Matic се нуди во две нови бои, наречени Sodalite Blue Metallic и Manufaktur Alpine Grey Nonmetallic. Има и нов волан со контроли на допир, достапен MBUX Multi-Seat инфозабавен систем со три екрани и филтер во две фази за заштита од ситна прашина и загадување.

Mercedes-Maybach ќе го продава теренецот само со еден мотор, поточно 4.0-литарскиот битурбо V8 кој испорачува 557 КС и 730 Nm вртежен момент. Има и 48-волтен благ хибриден систем и електричен мотор со дополнителни 22 КС и 250 Nm. Може да достигне до „стотка“ за 4,2 секунди и има максимална брзина од 250 км/ч.