Mercedes развива електрична G Класа која ќе пристигне за неколку години

Mercedes G Класа е еден од најлегендарните SUV возила, а сега е потврдено дека овој модел ќе добие и електрична верзија

Mercedes-Benz G Класа постои повеќе од 40 години што ја прави една од најстарите модели на Daimler кои се уште се во производство и глобална икона. Не само тоа, станува збор веројатно за најиконскиот луксузен SUV кој е познат по својот „коцкаст“ дизајн – дизајн кој не е баш популарен меѓу автомобилските дизајнери ширум светот. Сепак, пред неколку години кога глобалната автомобилска индустрија се најде пред предизвик „да ги убие“ големите теренци и да ги замени со попрактични и градски автомобили, постоеја најави дека G Класата ќе замине во историјата. Сепак, минатата година извршниот директор на Daimler најави дека G Класата ќе продолжи да живее и тоа како електричен автомобил.

„G Класата ги надминува сите сегменти и особено логиката на автомобилската индустрија. G Класата е како еден вид сопствен бренд. Луѓето го сакаат овој автомобил, имавме рекордна продажба минатата година“, изјави првиот човек на Daimler, Ола Калениус.

Mercedes G Класа

Од Mercedes потврдија дека работите се веќе започнати

Иако ова е нешто што веќе беше познато, без оглед на се мора да се признае дека станува збор за легендарен модел. Со потврдата дека ќе пристигне G Класа на електричен погон, сите се во исчекување на конкретен датум. Oд Mercedes-Benz соопштија дека започнале со работа на развивање на G Класа, односно на првите скици и концептната верзија на возилото, а Калениус не само што потврди дека работите се започнати, туку и дека електричната верзија ќе пристигне наскоро.

„Да, G Класата ќе добие електрична верзија, веќе започнавме со концептната работа и за неколку години ќе имаме електрична G Класа“, изјави Калениус.

Mercedes G Класа

И покрај својата природа на висока потрошувачка, минатата година беше забележан раст на продажбата на G Класата на глобалниот пазар за импресивни 60 проценти, односно продадени беа речиси 35.000 примероци. Со ова е соборен рекордот од 2017 година кога беа продадени 22.000 примероци.

„Донесовме јасна одлука дека модерниот луксуз ќе биде одржлив“, додаде Калениус.

Поврзани вести

Back to top button