Новиот хипер модел на McLaren ќе се вика SPEEDTAIL
Eксклузивниот производител на супер-спортски автомобили McLaren објави дека сериската верзија на BP23, која сега е позната под ова кодно име, ќе се вика SPEEDTAIL
McLaren најавува дека новиот хибриден модел со три седишта ќе понуди врвно однесување, динамички перформанси и луксуз и ќе биде завршен пред крајот на оваа година. SPEEDTAIL, за кој се очекува да развие максимална брзина од преку 390 km/h, ќе се произведува само во 106 примероци, за по основна цена од 1,6 милиони фунти.
Производството на McLaren SPEEDTAIL се очекува да започне кон крајот на следната година, при што секој од автомобилите ќе биде целосно прилагоден според сопствени параметри.
