Од Volkswagen потврдија дека ID. GTI доаѓа во 2026
Иако се знаеше дека ID. GTI ќе се најде во производство, ова е прва официјална изјава на директор од VW околу временската рамка
Дизајнерскиот шеф на Volkswagen, Андреас Минд, официјално потврди дека новиот целосно електричен GTI модел ќе пристигне во 2026 година. Ова следува по претходното откривање на модел со високи перформанси базиран на претстојниот ID.2 електричен компактен автомобил.
Во објава на Инстаграм, дизајнерот даде краток преглед на легендарниот назив GTI, почнувајќи од оригиналниот Golf GTI од 1975 година. Ограничено на само 5.000 единици во оригиналот, оваа ознака оттогаш се најде на 2,8 милиони возила ширум светот. „Во 2026 година, ќе претставиме електрична верзија на овој иконски модел“, напиша Минд.
Покрај објавата, тој сподели скица во која го споредува оригиналниот GTI со ID. GTI концепт. VW ги нагласува сличностите во големината помеѓу Mk1 Golf GTI и компактниот ЕВ уште од неговото првично претставување во септември. Додека VW ја потврди својата намера да го произведе моделот во тоа време, ова е најпрецизниот тајминг официјално обезбеден до денес.
Во тоа време, марката го опиша ID.GTI како концепт автомобил кој е блиску до она што го планира за сериската верзија. Тоа е добра вест, бидејќи одговорот на возилото беше многу позитивен, благодарение на неговиот добар изглед и ветувањето за перформанси.
За жал, сè уште не се споделени детали за тоа колку моќ ќе има малиот хот хеч. Сепак, најверојатно ќе биде повеќе од 231 КС колку што VW проценува дека стандардниот ID. 2all ќе има кога ќе се појави во производство, непосредно пред верзијата GTI.
Она што е најважно, моделот најверојатно ќе биде ценовно прифатлив, бидејќи VW работи на тоа сериската верзија на ID.2all да има основна цена помала од 25.000 евра. Иако ID.GTI со високи перформанси несомнено ќе чини повеќе од тоа, сепак веројатно ќе биде евтин за еден електричен автомобил.
View this post on Instagram
