Освежениот Peugeot 3008 пристигна во Македонија

Peugeot го освежи својот SUV модел 3008, a истиот сега пристигна и во Македонија во продажно-изложбениот салона Еуроимпекс

Во продажниот салон на Еуроимпекс, официјалниот импортер на Peugeot во Македонија, пристигна освежениот SUV 3008. Авто Плус доби можност одблиску да се запознае со еден од бестселерите на францускиот бренд, а во прилог ви ги пренесуваме нашите први впечатоци.

Peugeot 3008 во својата досегашна „кариера“ успеа да го најде патот до 800.000 купувачи, а француската компанија со новото освежување сака да го задржи тој тренд. Освежувањето на 3008 се базира на три клучни елементи, а тоа се стилот, унапредувањата на кабината со уште повеќе технологија, како и почисти и помоќни погонски единици. На средина од својот „животен век“ 3008 го доби своето освежување, а највпечатливата промена кај францускиот SUV се наоѓа на предниот дел кој го следи дизајнерскиот јазик на најновите 208 и 2008 модели.

Пред се, тоа се однесува на предниот дел каде се поставени новите LED светла, а решетката доби нов дизајн, како и трите нови отвори за воздух. Особено импонира начинот на кој се интегрирани светлата и предната решетка. Силуетата е задржана, но благодарение на променетиот преден дел, сега се добива поагресивен и поспортски впечаток. На задната страна се наоѓаат унапредените светлосни групации кои се со Full LED технологија кои ги прикажуваат 3D „лавји канџи“. Освежениот Peugeot 3008 добива и две нови бои – Celebes Blue и Vertigo Blue – кои се во понудата со актуелните бои. Тука е и новиот Black Pack кој ќе се нуди со GT и GT Pack.

Peugeot 3008

Освежен ентериер и три погонски верзии

Ентериерот се соочи со нешто поскромни промени, а новина е централната конзола и панелите на вратите. Новинтет е поголемиот инфозабавен систем, кој сега има 10-инчен екран на допир, но и новиот Peugeot i-Cockpit со 12,3-инчен дигитален инструмент кластер. Под централниот екран се поставени седумте „пијано“ копчиња за радиото, клима-уредот, сателитската навигација, поставките на возилото, телефон, мобилни апликации, а хибридната верзија ќе има посебно копче за пристапување до електричните функции на возилото. Тука е и новата Night Vision технологија за подобра прегледност при ноќно возење.

Peugeot 3008 може да се набави со PureTech турбо бензинец, BlueHDi турбо дизел или пак plug-in хибриден погон. PHEV моделот пристигнува со специјално прилагоден Peugeot i-Cockpit со екран кој овозможува прегледност на конкретните информации за возење.

Во понудата се две PHEV верзии, едната со 225 КС и погон на предните, а втората со 300 КС и погон на четири тркала. Електрифицираните варијанти добиваат три возачки режими – Electric, Hybrid, Sport. Кога станува збор за бензинските PureTech мотори, купувачите можат да изберат меѓу 1,2-литарскиот трицилиндерски мотор со 130 КС, или 1,6-литарскиот четирицилиндерски мотор со 180 КС. Помоќниот е достапен единствено со осумстепен автоматски менувач. Дизелите се застапени со BlueHDI со 1,5-литарскиот четирицилиндерски мотор со 130 КС.

Повеќе информации можете да добиете на официјалниот веб сајт на Peugeot во Македонија, или во продажниот салон на Еуроимпекс.

Поврзани вести

Back to top button