Перформансниот Ford Mustang Mach-E GT пристигнува во Европа

Како што најавуваат од Ford, нивниот Mustang Mach-E GT ќе биде кросовер со најголемо забрзување во својата класа. Европските купувачи кои ќе го нарачаат електричниот SUV оваа и следната година, ќе добијат петгодишен бесплатен пристап до FordPass полнечката мрежа која сега вклучува повеќе од 155.000 полначки станици ширум Европа. Купувачите исто така ќе добијат и една година бесплатен пристап на IONITY брзополнечката мрежа.

„Новиот Mustang Mach-E GT покажува што всушност претставуваат целосно електричните перформанси. Но, перформансите не значат ништо без самодовербата да се искористат. Нашите полнечки иницијативи значат дека купувачите на Mustang Mach-E можат да уживаат во возачкото искуство на електрифицираниот Mustang со знаење дека ќе можат брзо и лесно да го наполнат својот автомобил низ Европа“, изјави шефот на Ford of Europe, Стјуарт Раули.

Mustang Mach-E GT има погон со два електромотори кои испорачуваат 465 КС и 830 Nm вртежен момент. Од нула до „стотка“ стигнува за 3,7 секунди, што е еднакво на Tesla Model Y. Перформансниот електричен кросовер доаѓа со 88 kW батерија како стандардна. Благодарение на ова, Mach-E GT има автономија на движење од 500 километри со едно полнење според WLTP циклусот.

Во меѓувреме, специјалните спецификации наменети за европските купувачи го вклучуваат и MagneRide адаптивниот систем на потпирање, 20-инчни алуминиумски тркала и сопирачки во црвена боја. Тука се и уникатните бои за екстериерот како Grabber сина и Cyber портокалова. Во внатрешноста се наоѓа 15,5-инчен Full HD екран, Ford Performance седишта и уникатен управувач.

Во истото соопштение, Ford ja најави и стандардната Mustang Mach-E варијанта која пристигнува со батерија со продолжен опсег на движење и погон на сите четири тркала. Овој автомобил ќе стигнува до 100 километри на час за 5,1 секунда. Ќе може да помине до 540 километри со едно полнење.