Porsche започна со производство на 911 Speedster
Porsche објави дека компанијата го има поставено почетокот на производството на лимитирана серија 911 Speedster, во која ќе бидат вклучени само 1948 автомобили
Основната цена на автомобилот за Германија е определена на 269.274 евра, а нарачките за купување веќе се прифаќаат. Овој модел може да биде надграден со специјалниот 911 Speedster часовник, кој е проценет на 9.950 евра и е достапен за купување само за сопственици на новиот модел.
Новото Porsche 911 Speedster што беше најавено од брендот за време на меѓународниот саем во Париз минатата година, е опремено со 4.0 литарски, шест-цилиндричен атмосферски боксер мотор со максимална моќност од 510 коњски сили, кој е комбиниран со шест-брзински мануелен менувач.
Со максимален вртежен момент од 470 Nm при 6250 вртежи во минута, возилото е во состојба да се забрза од 0 до 100 km/h за 4 секунди и да развие максимална брзина на движење од 310 km/h.
