Познати финалистите за Autobest 2022

Во новото издание на Best Buy Car of Europe наградата на Autobest ќе се натпреваруваат финалистите Dacia Spring, Hyundai Bayon, Opel Mokka, Renault Arkana, Škoda Fabia и Toyota Yaris Cross. Овие автомобили ќе се натпреваруваат за наградата „автомобил кој дава најмногу за вложеното“ во Европа во 2022 година. Жирито кое е составено од 32 члена од 32 земји ќе ги направи своите последни проценки и ќе го даде својот глас во следните неколку недели, а победникот на 21-то издание на Autobest ќе биде објавен кон средината на декември.

По успешниот прв настан минатата година, жирито повторно ќе оди во Тесдорф, Австрија на 24 и 25 ноември за завршниот тест. Полигонот на Австрискиот автомобилски клуб (OEAMTC) има меѓународно признание за тестирање возила, како и образование за возачи во многу области. Со Тесдорф сместен во непосредна близина на аеродромот во Виена, Autobest воспостави партнерство за да изврши сеопфатен пакет тестови и да го истражи целосниот потенцијал на финалистите.

„Во текот на пандемијата, Autobest се покажа како единственото меѓународно независно автомобилско жири што ја одржува редовната агенда на активности. Ние продолжуваме да се обидуваме да им понудиме на милиони потрошувачи на автомобили најдобра проценка за автомобилот Best Buy во Европа, но и за најдобрите луѓе, компании и технологии што ги имаме во индустријата денес. Понатаму, благодарение на новосоздадениот AutobestThink Tank предводен од визионерскиот дизајнер на автомобили Френк Стивенсон, подлабоко ќе ја истражиме иднината на мобилноста, давајќи им на сите луѓе подобра видливост и разбирање за тоа што ќе се случува во наредните години“, рече Дан Варди, основач и претседател на Autobest.

Жирито ќе додели уште осум награди

Членовите на жирито на Autobest претставуваат 32 европски земји, што го прави најголемото независно автомобилско жири во Европа и светот по бројот на застапените земји. Жирито Autobest посветува големо внимание на напорите што ги вложува автомобилската индустрија. Инвестициите, новите можности за работа во автомобилската индустрија за луѓе, средства за зелени автомобили и технологии, поддршката на различни региони во Европа, внимателно се проверени од жирито. Исто така, под лупа се новите технологии и поврзување во автомобилот. Вкупно, се доделуваат осум награди во следните категории; Manbest, Companybest, Ecobest, Designbest, Technobest, Safetybest, Smartbest и Sportbest. Во следните недели, Аutobest ќе комуницира со добитниците на овие награди за 2022 година.

21-то доделување на наградите ќе се одржи следната година во Стразбур, Франција на датум што ќе биде објавен подоцна, во очекување на еволуцијата на пандемијата во регионот на Стразбур. Оваа година, 20-годишнината од доделувањето на наградите AUTOBEST се одржа на 30-ти септември во Барселона, Шпанија, собирајќи рекорден број учесници од 34 земји, вклучувајќи водечки директори од различни компании и организации.