Премиера за освежената Mercedes E-Класа

Mercedes-Benz E-Класа за 2024 година официјално ја доживеа својата премиера, а германскиот производител подготви серија промени за својот седан.

Кога станува збор за изгледот, E-Класа наликува на својот „поголем брат“ S-Класа, не само во целокупната површина, туку и со детали како рамните рачки на вратите и силната хоризонтална хромирана линија што се протега низ капакот на багажникот помеѓу задните светла.

Но, малку покомпактната форма му дава нешто што се приближува до атлетизмот на помалата C-Класа, додека новата пијано црна решетка како опкружување на предницата и мотивот со трикратна ѕвезда во задните светла гарантираат дека E-Класа нема да биде помешана со кој било од тие автомобили. Во зависност од нивото на опременост што ќе го изберат купувачите, решетката ќе биде Progressive што значи дека има десетици мали ѕвезди, или „Classic“ што е позната конзервативна решетка на Daimler.

Екрани и технологија

Во ентериерот, сличностите се многу поголеми со S-Класа отколку со C-Класа. За почеток, меѓуоскиното растојание е растегнато за нешто помалку од еден 22 мм и сега изнесува 2.961 милиметри, ослободувајќи повеќе простор во автомобилот кој сега е долг 4949 мм. Просторот за колената и максималниот простор за нозете се зголемени за 10 и 17 милиметри соодветно, а Mercedes вели дека дополнителните 25 мм простор значи дека има речиси исто толку простор за ширење како во голем луксузен автомобил.

Но, кога станува збор за контролната табла, инструмент кластерот и инфозабавниот екран, новата E-Класа има повеќе заедничко со своите електрични EQE и EQS роднини отколку со своите браќа со погон на внатрешно согорување. Стандардно, E-Класа доаѓа со самостоен дигитален екран за инструменти и медиумски екран MBUX интегриран во контролната табла. Но, тој екран може опционално да се прошири за да вклучи екран наменет за патникот на предниот дел.

Како и многу производители на автомобили, Mercedes верува дека поврзувањето и способноста да внесе проследена содржина и активност на социјалните мрежи во автомобилот е следната граница, така што има селфи камера и пристап до апликации и игри како TikTok и Angry Birds, плус можност за „стриминг“ на видео. Но, системот за следење на лицето ќе ја деактивира видео содржината што се емитува на совозачкиот екран ако открие дека возачот поминува премногу долго не гледајќи на патот.

Хибридна моќност

Mercedes вели дека новиот, исклучително моќен единечен процесор ја врши работата што претходно би ја извршувале повеќе делови од хардверот, правејќи го целиот електричен систем побрз. Од друга страна, погонскиот систем е целосно електрифициран. Иако не постои целосно електрична E-Класа секој мотор има некаква хибридна помош, а половина од моторите се plug-in хибриди.

На крајот од гамата се наоѓа бензинецот E200 со погон на задните тркала со 204 КС и неговиот дизелски еквивалент, E200d од 197 КС, кој е достапен со погон на задни или 4Matic на сите тркала. Сите три ќе достигнат спринт од место до „стотка“ за 7,8 секунди или помалку, а максималната брзина е 238 километри на час со помош на интегриран стартер генератор чија моќност е зголемена од 20 КС на 23 КС.

Приклучните модели достапни при лансирањето во Европа се сите 2.0-литарски бензински мотори со четири цилиндри поврзани со електрични мотори од 129 КС кои можат да испорачаат до 100 километри електричен опсег на возење. Тие автомобили се E300e со 313 КС и E300e 4Matic, кои го земаат E200 и додаваат голем електричен мотор, и E400e 4Matic со 381 КС. E400e е најбрзиот од сите верзии и може да достигне од 0 до 100 км/ч за 5,3 секунди, иако верзиите AMG објавени подоцна оваа година сигурно ќе бидат далеку помоќни.

Традиционалниот систем на потпирање со челични пружини е стандарден, но за вистинско луксузно искуство, купувачите можат да ја одберат поставката со воздушен систем на потпирање. Достапниот технолошки пакет ја комбинира надградбата на воздушната суспензија со приспособливо амортизирање и управување на задната оска што може да и даде на E-Класа круг на вртење како субкомпактен хечбек.

Освежената Mercedes E-Класа ќе се најде во продажба подоцна оваа година, но цените не се објавени.