Премиерно претставен новиот Jeep Grand Cherokee

По премиерата на Grand Cherokee L во јануари, Jeep сега ја претстави и стандардната, „скратена“ варијанта на моделот. Проширувањето на Grand Cherokee поставата со кратење на меѓуосовинското растојание за 126 милиметри со цел да се креира SUV со два реда и пет седишта, како алтернатива на моделот кој дебитираше претходно.

Пократкиот, или стандардниот Grand Cherokee го добива истиот стајлинг како и „L“ верзијата, со тоа што тука меѓуосовинското растојание изнесува 2.964 милиметри и за првпат добива хибридна моќност во својата постава.

Прв Grand Cherokee со 4хе

Новиот plug-in хибриден модел наречен Grand Cherokee 4xe комбинира четирицилиндричен мотор со двомоторска електрична асистенција, исто како и кај Wrangler 4xe. Комбинацијата на 2,0-литарски бензинец со 17 kWh батерија му овозможува на 4хе 380 КС и 637 Nm вртежен момент. За градските улици е идеален за да помине 40 километри користејќи само струја. Покрај ова, достапни се и други погонски опции за возачите кои го сакаат стандардниот 3,6-литарски V6 Pentastar кој развива 293 КС и 348 Nm максимален вртежен мотор. Тука е и славниот 5,7-литарски V8 „Hemi“ кој испорачува 357 КС и максимални 528 Nm.

Jeep не ги заборава ниту оние вистинските авантуристи кои сакаат да го искористат својот Grand Cherokee во екстремни услови, па така овој SUV ја добива и Trailhawk верзијата. За оваа варијанта од Jeep велат дека е тестирана за возење во сите најтешки теренски услови и ги исполнува очекувањата, а голема заслуга за тоа има стандардниот погон на сите четири тркала и клиренсот од 28,7 сантиметри. Тука се секако и задниот заклучувачки диференцијал и оф-роуд пневматиците, како и неколку други теренски додатоци на самиот автомобил.

Голем избор во опсегот

Остатокот од опсегот на Grand Cherokee го сочинуваат Laredo, Altitude, Overland, Summit и Summit Reserve нивоата. И додека базичните модели пристигнуваат стандардно со погон на задните тркала, Jeep нуди неколку опции за погон на сите четири тркала со Quadra-Trac I, Quadra-Trac II and Quadra-Drive II.

Кога станува збор за самиот дизајн, дизајнерскиот стил воопшто не е променет во однос на Grand Cherokee L, а голема е сличноста и со претходната генерација, пред се тоа се однесува на обликот на предната маска и фаровите кои се мошне слични, а ги следи и останатите препознатливи линии кои се забележливи кај Jeep. Зависно од потребите на купувачот, стилот може да биде елегантен или агресивен истовремено. Многу поголемо внимание е посветено на ентериерот, каде Grand Cherokee е помал од „L“ верзијата, но во суштина добива на димензии во споредба со моделот кој го заменува.

Препознатлив ентериер

Во внатрешноста има простор за пет лица, а вториот ред се добива само со единечна клупа. Стајлингот е ист како и кај L верзијата, а тоа значи и сличен луксузен „вајб“, како и дел од технологијата кај врвните Wagoneer модели. Пред возачот се наоѓа најголем екран од 10,1-инчни кој пристигнува со uConnect системот на Stellantis, а нуди и конективност со Apple CarPlay и Android Auto, а пред совозачот се наоѓа уште еден екран наменет за инфозабавата, додека како опција, покрај големиот дигитален инструмент кластер, возачот може да избере и head-up екран.

Новиот Jeep Grand Cherokee се очекува да ја добие својата комерцијализација во Европа во втората половина на 2022 година, а конкретните детали за потрошувачката, опсегот и сите оние останати најважн информации за европскиот пазар ќе бидат достапни подоцна.