Раиконен со прва победа во последните 5 години

Кими Раиконен ја освои ГН на САД во осумнаесетата трка од светскиот шампионат во Формула 1 во Остин и стави крај на сушата, која трае 113 трки

Ова е прва победа за најпопуларниот фински пилот на Формула 1 годинава, а со него на подиумот се искачија Макс Верстап и Луис Хамилтон. Во трката во САД, Хамилтон требаше да освои осум поени повеќе од Себастијан Фетел, за да ја обезбеди петтата светска титула и во почетокот тоа изгледаше повеќе од веројатно, но откако Германецот се удри во првиот круг со Дениел Рикардо, тоа беше се потешко.

На стартот Раиконен тргна одлично со ултрамеките гуми и во првата обиколка ја поведе колоната, а веднаш почна и да прави предност пред Хамилтон.

Британецот направи едно запирање во боксот повеќе зад виртуелниот автомобил на безбедноста, но и тоа не му помогна против подобрата работа со гумите на Раиконен, кој го заврши натпреварот со еден бокс и меки пневматици.

Верстапен започна од 18 позиција, но успеа да се пробие во челото, а Фетел се избори со Валтер Ботас во последните кругови за 4-тото место во финалето. Трката за новиот шампион во Формула 1 е одложена на Големата награда на Мексико, доколку Хамилтон освои пет поени повеќе од Фетел. Ова значи дека Луис мора да биде пред Германецот ако се на подиумот.

Клучни зборови

Поврзани вести

Back to top button
Close