Расте популарноста на електричните возила во Европа
И покрај падот на севкупната продажба на нови автомобили, електричните возила бележат раст во популарноста на европскиот пазар
Електричните возила продолжуваат да бележат се поголема популарност на европскиот пазар и сочинуваат 10 отсто од сите регистрации на нови автомобили низ Европа во јули.
Вкупните регистрации на нови возила во 26 европски земји се намалени за 10 отсто во однос на истиот месец минатата година, со вкупно 966.453 нови регистрации. Пазарот, исто така, е намален за 13 отсто во однос на периодот јануари-јули во 2021 година, со регистрирани вкупно 6.398.609 единици.
Додека вкупниот пазар опадна, обемот на електрични возила со батерии се зголеми за 20 отсто на 90.139 единици, што претставува 10,4 отсто од вкупниот пазар, што е зголемување за 2,6 отсто од уделот од 7,8 отсто што го имаа во јули 2021 година.
Норвешка продолжува да ја предводи транзицијата на ЕВ со 68,9 отсто од новите возила регистрирани во оваа земја за јули кои се напојуваат исклучиво од електрична енергија. Уделот на електричните возила продадени во Шведска, исто така, скокна за значителни 11,1 отсто на 26,2 отсто во јули 2022 година. Други пазари кои пријавија значителен скок во бројот на регистрирани ЕВ се Данска (за 9,6 отсто повеќе од јули 2021 година), Холандија ( пораст од 6,9 отсто), Романија (за 6,9 отсто) и Норвешка (раст 6,4 отсто).
Кинеските автомобили ја освојуваат Европа
Најпродаваниот електричен автомобил во Европа во јули беше Fiat 500e со вкупно 4.999 регистрации, што го става над VW ID.4 со 4.551, Škoda Enyaq iV со 4.530 и VW ID.3 со 3.664 регистрации. Други ЕВ кои се продаваат добро ги вклучуваат Renault Megane E-Tech (3.520 единици), Peugeot e-208 (3.412 единици), Hyundai Kona Electric (3.383 единици), Dacia Spring (3.004 единици), Cupra Born (2.986 единици) и Hyundai Ioniq 5 со 2.854 регистрации.
Кинеските производители на автомобили доживеаја зголемување од 72 отсто во регистрациите за нивните ЕВ возила, исклучувајќи ги тие автомобили од Групацијата Geely. MG го предводеше нападот со речиси 3.000 регистрации, што го сочинуваше мнозинството од 3.501 кинески ЕВ што беа регистрирани во текот на месецот.
„Кинеските производители полека се искачуваат на рангирањето, станувајќи веродостојна алтернатива за оние кои бараат прифатлива и привлечна електрична енергија“, забележа глобалниот аналитичар на JATO Dynamics, Фелипе Муњоз.
