Renault го освежи Megane Conquest, подготви и ново ниво на опременост

Renault Arkana, исто така познат како Megane Conquest во нашиот регион и XM3 (Јужна Кореа), овој модел на францускиот производител е меѓу првите мејнстрим купе-SUV возила што пристигнаа во Европа. Megane Conquest беше лансиран во октомври 2020 година и веќе добива освежување во средината на својот животен циклус. Ова суптилно ажурирање се надоврзува на успехот на оригиналниот модел, кој достигна 163.000 продажби во Европа, односно вкупно 240.000 единици, ако се вклучи и XM3 кој е достапен во Јужна Кореја.

Renault Megane Conquest од 2024 година е најновиот модел кој го усвојува ревидираното корпоративно лого на компанијата и доаѓа со црни, сатенски хромирани или темни хромирани акценти во зависност од нивото на опременост. Патем, ќе биде полесно да ја изберете претпочитаната верзија бидејќи стилскиот кросовер добива поедноставена постава составена од Evolution, Techno и Esprit Alpine верзии. Esprit Alpine ја заменува RS Line и служи како врвна верзија во понудата. Други суптилни измени вклучуваат делумно затемнети светла и темни акценти кои ja заменуваат сребрeната боја.

Ексклузивно за Esprit Alpine се 19-инчни тркала со двобоен финиш, како и Alpine обележјата што исто така се наоѓаат на логото што ги красат предните браници. Има и благо ажурирана предна решетка во споредба со старата RS Line. Влегувајќи внатре, новото врвно ниво на опременост добива комбинација од црвени, бели и сини шевови на панелите на вратите, заедно со нова завршница на контролната табла. Седиштата се обвиткани во комбинација од вештачки велур и она што Renault го нарекува Eco Tep, при што 10 проценти од составот користи био материјали.

Без промени под хаубата

Нема никакви промени под хаубата каде што клиентите ќе можат да изберат од истите благи хибридни бензински мотори со 140 и 160 КС од турбо четирицилиндричниот агрегат со запремнина од 1,3 литри. Помалата верзија нуди вртежен момент од 260 Nm, додека помоќната има 270 Nm.

На нив им се придружува целосната хибридна поставеност на E-Tech со 145 КС добиени од 1,6-литарски атмосферски четирицилиндричен бензински мотор со 94 КС, кој работи заедно со електричен мотор од 36 kW и стартер генератор од 15 kW. Renault поставува батерија од 1,2 kWh и вели дека возилото може да се вози исклучиво на електрична енергија до 80 проценти од времето во градски услови. Во споредба со конвенционалните бензински мотори, потрошувачката на гориво е намалена за дури 40 проценти.

Целосниот хибрид користи E-Tech мулти-режим автоматски менувач во споредба со седумстепениот EDC (двојна спојка) на варијантите со благ хибрид.

Од Renault велат дека ќе почнат да примаат нарачки за Arkana 2024 во Европа ова лето.