Rolls-Royce со ново анимирано видео за Ghost наменето за акустиката

Британската компанија на интересен начин ја започна кампањата за новата генерација на својот модел, објавувајќи анимирани видеа. Но, освен тоа, Rolls-Royce објави и нови детали за Ghost кои пред сѐ се однесуваат на комфорните карактеристики на автомобилот, односно на комплетното „спокојство и ведрина“ во кабината.

За да се осигураат дека нема да има несакани звуци кои произлегуваат од 6,75-литарски V12 мотор, тимот во Rolls-Royce задолжен за акустиката инсталираше двојна преграда со цел да се одвои пределот на моторот од остатокот на ентериерот. Празнините во покривот, подот и вратите се исполнети со повеќе од 100 килограми материјали кои го апсорбираат звукот.

Како додаток на тоа, прозорци со двојна глазура и јасен композитен центар се користени на автомобилот, како и специјални гуми со лесна акустична изолациска пена. Но, пред се, алуминиумската основа на автомобилот придонесува за потивка околина и удобност во кабината при возењето.

„Неверојатниот акустичен квалитет на новиот Ghost е резултат на неверојатни инженерски развои и огромно внимание на деталите, но сето тоа е поддржано благодарение на алуминиумската архитектура на брендот. Едноставно не постои начин да се креира толку фина акустична околина користејќи челична платформа“, изјави Том Дејвис-Ризон, шефот на тимот за акустично инженерство.

Но, некои звуци сепак се посакувани. Имено, за време на раните тестови, акустичниот тим открил дека целосната тишина креира мошне неприродно чувство и поради тоа решија да генерираат „шепот“ – „мек звук кој клиентите го доживуваат како суптилна нота“, како што опишуваат од Rolls-Royce.

Новиот Ghost е целосно нов модел изграден од „темел“. Со својот претходник го споделува само познатиот Spirit of Ecstasy амблем и чадорите кои се поставени во вратите, а се друго е сосема ново.