Samson Switchblade- летечки автомобил за само неколку месеци?!
Geely откако ја купи Terafugia најави влез во светот на летечките автомобили, а за следната година американската Samson Switchblade најави дека ќе почне да ги продава првите вакви модели
![Samson Switchblade](https://avtoplus.mk/wp-content/uploads/2017/12/S-n-1-780x405.jpg)
Geely откако ја купи Terafugia најави влез во светот на летечките автомобили, Uber интензивно ја разгледува можноста за пуштање на сериско производство на летечки такси, а за следната година американската Samson Switchblade најави дека ќе почне да ги продава првите вакви модели. Летечкото возило ќе биде големо колку еден Mercedes S-Class со две врати и две седишта. Ќе се напојува со 1.6-литарски V4 мотор со моќност од 190 КС.
https://www.youtube.com/watch?v=Rgtr5_jU-WY
Во режим на летање, уредот ќе го ротира пропелерот во задниот дел. При лет конфигурација Switchblade е долг 6,3 метри и широк 8,2 метри, а при приземнување со виткање во крилата и опашката, за движење по асфалт, возилото ја намалува должината до 5,1 метри и широчината 1,8 метри. На патот се користи пет- брзински погон за пренос на тркала. Во воздух летечкиот автомобил ќе крева максимална брзина од 305 km/h и максималниот досег ќе изнесува 724 километри. На земјата возилото со крилја ќе крева 200 km/h, а ќе забрзува од место до 100 km/h за 6,5 секунди.
Постојат системи за клима, прилагодливи кожени седишта и дури висококвалитетен саунд систем, а приборот за безбедност вклучува патна заштита при превртување и падобран во случај дека нешто се случува во воздухот. Samson Switchblade ќе го направи својот прв лет следната година, а компанијата Samson Motors ветува дека планира да започне со првите испораки до клиентите до крајот на 2018. Цената на Switchblade се очекува да изнесува околу 120.000 долари.