fbpx

Seat ќе комуницира со семафорите

Шпанската телекомуникациска компанија Telefónica и Seat најавија нов заеднички проект со име Telegonica 5G Technological Cities

Во рамките на проектот Telefónica и Seat ќе ја тестираат патна инфраструктура, способна да „комуницира” со превозните средства во постоечка мобилна мрежа стандард 5G. Тестирањето ќе се одржи во градот Сеговија, во Шпанија, а ќе биде првиот чекор во процесот на поврзување на возилата со проекти за патна инфраструктура.

Новиот систем, предупредувајќи го возачот на можни опасности, е монтиран во кросоверот на Seat Ateca. Информациите за возачот се емитуваат на контролната табла на возилото. Во проектот учествуваат уште компанијата Ficosa, која го создаде комуникацискиот уред C-V2X (Celular V2X), сопственикот на патната инфраструктура фирмата Sice и Nokia, која обезбеди сервер MEC (Multi-Access Edge Computing), за да служи како платформа за врска меѓу превозното средство и патната инфраструктура.

Seat

Во системот се примаат сигнали од семафорите за лица на пешачки премин. Таквата порака се појавува кога возачот го вклучува системот. Автомобилот е предупреден дури и кога пешакот почнува да поминува и на црвено. Во зависност од неговата локација, брзина и положба, возилото „одлучува” дали има доволно време безбедно да ја премине раскрсницата. Ако не, на контролната табла се појавува предупредување, така што возачот може да се подготви за контролирано сопирање.

Опциите за користење на системот се базираат на стандардниот C-V2X протокол што се користи за првпат во Шпанија. Неговите предности во мобилната мрежа се дека обезбедува транспортни возила со дополнителни информации за нивната животна средина, која произлегува од постојната мрежа.

Овој систем исто така има за цел да се користи и од автономни возила.

Поврзани вести

Back to top button