ТАБ МАК домаќин на регионалните партнери: Претставени иновации и планови за иден развој

На 27 септември 2024 година, нашата фабрика за акумулатори, ТАБ МАК од Пробиштип, имаше чест да биде домаќин на претставници од нашите партнери ТАБ Словенија, ТАБ Хрватска и ТАБ Србија и нивните соработници. Заедно со нив, присуствуваа и новинари од најпопуларните автомобилски магазини и портали од Македонија.

Гостите имаа можност да се запознаат со нашите производствени капацитети и процесот на изработка на батериите, со што се зајакнуваат нашите позиции како водечки производител на автомобилски и индустриски батерии во регионот. Во рамките на оваа посета, беше одржана и презентација на компанијата, при што беа истакнати нашите најнови достигнувања, иновации и идни планови за развој.

Оваа средба ја потврдува успешната соработка помеѓу ТАБ друштвата од различни земји и нашата посветеност кон обезбедување на врвни производи и услуги за нашите клиенти. Новинарите и претставниците од автомобилската индустрија изразија интерес за нашите производи и позитивно го оценија нашиот капацитет за исполнување на највисоките стандарди.

ТАБ МАК останува посветен на својата мисија да обезбедува батерии од врвен квалитет и да придонесува кон развојот на автомобилската индустрија во регионот и пошироко.