Tesla слезе под земја
Компанијата Boring, основана од Илон Маск, покажа на Twitter како Tesla Model X се движи по шини во еден од тунелите што компанијата ги гради под Лос Анџелес
Новиот транспортен систем ќе ги превезува патниците во капсули до 200 km/h. The Boring Company доби општински налог за изградба на линија помеѓу аеродромот во Чикаго, О’Хара и центарот на градот. Според Chicago Tribune, Мaск предложил систем од поединечни беспилотни вагони за 16 патници, кои ќе се движат во тунел со дијаметар малку над 4 метри со брзина од 160 km/h.
Подземните шатлови ќе се движат од центарот на Чикаго до аеродромот за околу 16, наместо сегашните 40 минути. The Boring Company пресмета дека вагоните можат да стартуваат на секои 30 секунди и да носат 2.000 патници на час. Според неофицијални информации, проектот чини околу една милијарда долари. Компанијата ќе ја финансира самата градба и ќе има корист од продажбата на билетите.
Компанијата планира сличен тунел за поврзување на фабриките на Tesla.
Илон Маск има идеја да ги поврзе подземните градски мрежи со системски возови кои ќе се движат во вакумски цевки. Недостатокот на отпорност на воздух ќе им овозможи на композициите да се движат со брзина и до 1.200 km/h.
Green lights to Malibu pic.twitter.com/wsBcE2FwTe
— The Boring Company (@boringcompany) June 14, 2018
