Токио 2019: Honda го претстави целосно новиот Jazz

Новиот Honda Jazz ќе биде пласиран на европскиот пазар исклучиво како хибриден модел

Доаѓајќи исклучиво како хибриден во Европа, четвртата генерација на Honda Jazz за прв пат, покрај стандардната, ќе понуди Crosstar каросериска варијанта. Јапонскиот супермини исто така ќе го иницира e:HEV погонот на компанијата во Европа, како дел од e: Technology, кој ќе биде дел од сите идни електрифицирани производи од јапонската марка.

Целосно новиот Jаzz пакува дво-моторен хибриден погон како стандард, за прв пат. Не беа објавени никакви спецификации, но Honda тврди дека новиот погон нуди исклучителен спој на силни и безнапорни перформанси при возење и импресивна економичност на горивото. За хибридниот систем исто така се вели дека мазно, респонсивно и директно чувство на возење. Honda исто така ветува и динамика на возење слична на таа кај целосно електрично возило.

Што се однесува до новата Crosstar варијанта, таа носи зголемена висина на возењето, уникатен дизајн на предната решетка, тапацир отпорен на вода и интегрирани покривни шини. Crosstar ќе понуди ист хибриден погон и ќе биде достапен со истите внатрешни карактеристики како и стандардниот модел.

Зборувајќи за ентериерот, компанијата вели дека новиот Jazz нуди опсег на удобност и просторност незаменлив во Б-сегментот. Предните седишта сега се пошироки и наместо класичните пружини, користат структурна поддршка, помагајќи да се спречи замор при долгите патувања. Задните седишта се исто така подобрени, нудејќи подебела подлога.

Новиот Honda Jazz доаѓа со нов инфозабавен систем со екран на допир, WiFi hotspot, како и Android Auto и безжично Apple CarPlay конектирање. На листата на безбедносни системи се наоѓа адаптивниот темпомат, асистент при промена на лента, систем за кочење при потенцијален судир и друго.

Клучни зборови

Поврзани вести

Back to top button
Close