ИНТЕРЕСНОНАСЛОВНА

Tроен триумф на Kia на iF Design 2018

Кia освои три престижни награди во рамките на iF Design Awards 2018 за извонредниот дизајн на своите најнови модели

Со ова престижно признание се закитија фастбекот Stinger, компактниот кросовер Stonik и моделот Picanto, кои беа наградени за извонреден дизајн на производи. Ова е втора година по ред во која Кia добива три iF награди за своите модели и деветта по ред со вакви признанија за своите автомобили. Во моментов, корејската марка е сопственик на 15 признанија од овој избор.

Развиен во дизајнерско студио на брендот во Франкфурт, Stinger е автентичен грандтурер, автомобил за возбудливи патувања на долги растојанија. Со својата огромна привлечност Stinger е неповторлива комбинација од нагласено динамичен стајлинг, агресивен пристап, високи карактеристики и категорично однесување на патот. Инспирирани од класичните грандтурери од 70-тите години Stinger се издвојува со елегантни фастбек пропорции, висока ефикасност и динамично совршенство, кои се во склад со неговиот неверојатен дизајн.

Design

Дизајниран во Франкфурт, компактниот кросовер Stonik се одликува со мускулесто тело, спортски стил, возбудливо управување и совршено однесување на патот. Stonik е модел со најмногу можности за приспособување во гаматана Kia. Клиентите може да изберат помеѓу 20 двобојни надворешни комбинации и 9 еднобојни.

Третата генерација Kia Picanto- најмалиот модел на брендот, донесува свежина и младешки дух до А-сегментот. Picanto се одликува со шармантен дизајн, модерен пристап во ентериерот и персонализациски потенцијал. И покрај компактната големина, неговиот интелигентно димензиониран дизајн го дефинира како еден од моделите со најобемен внатрешен простор во својата класа.

Design

Уште од своето основање во 1953 година, iF Design е рангирана меѓу најважните глобални натпревари за дизајн на светот. Наградата потекнува од производот изложби Formgerechte Industrieerzeugnisse (од германски „Индустриски стоки со адекватен дизајн”), лансирани во рамките на индустрискиот саем во Хановер, а денес се смета за еден од најпрестижните награди за дизајн. Оваа година, компаниите од 54 земји учествуваа со 6.400 производи, кои беа оценети од страна на независно меѓународно жири составено од 63 дизајнерски експерти.

Наградата iF Design е претставена во седум категории: производ, екстериер, комуникации и услуги, архитектура, внатрешен дизајн и професионални концепти. Новите модели на Kia добија награди во категоријата дизајн на производи. Официјалната церемонија за iF Design Awards за 2018 година ќе се одржи на 9-ти март во BMW Welt, седиштето на BMW во Минхен.

Клучни зборови

Поврзани вести

Adblock Detected

Please consider supporting us by disabling your ad blocker