Шведски електричен градски автомобил ќе се прави во Грузија
Шведскиот старт Uniti Sweden AB има само еден модел во своето портфолио - урбаниот електричар Uniti One
Компанијата имала планови да го произведе моделот во фабрика во градот Ланскруна со помош на голем број партнери во производството, вклучувајќи ги и Nvidia, Siemens, Tele2, Haldex и BorgWarner. Но, сега е познато дека електричните возила ќе бидат направени во Грузија. Сигурни информации се дадени во меморандумот за намери потпишан од Uniti Sweden AB и грузиските учесници – државниот „Партнерски фонд“ и инвестициската компанија Silk Road Group.
Документот ги поставува принципите за развој на заеднички проект за производство на електрични возила во Грузија и договор за областите на заедничко производство. Во октомври оваа година, владата на Грузија има развиено план во кој, во следните 10 години, околу 90 проценти од флотата во земјата треба да се замени со електромобили. За да се промовира транзицијата кон еколошки превоз, веќе постојат специјални даночни олеснувања.
Uniti One е електрично возило со погон на задните тркала, со моќност од 120 kW/163 КС.
Батеријата на автомобилот има капацитет од 26 киловатчасови, што овозможува да работи на едно полнење од 240 km. Полнењето на батеријата од 20 до 85 проценти трае само 25 минути. Во спортскиот режим, Uniti One може да забрза до 80 km/h за 3,5 секунди, а максималната брзина е 130 km/h.
