Минхен 2023: Volkswagen ID.GTI е концепт кој најавува електричен хот хеч

Volkswagen има одлични вести за сите негови фанови и автомобилски ентузијасти – ознаката GTI ќе живее и во електричната иднина. За тоа сведочи и концептот ID.GTI кој беше претставен на IAA во Минхен, Германија и е првиот електричен автомобил што ја носи легендарната ознака, а VW веќе потврди дека сериската верзија е во развој.

Новиот GTI се заснова на концептот ID.2all покажан претходно оваа година, и иако VW сè уште не ги открива бројките околу моќноста, она шот е познато е дека има еден електричен мотор напред, кој ги движи предните тркала преку LSD, исто како на сегашниот GTI со внатрешно согорување. Меѓутоа, овојпат, буквата „I“ во GTI означува интелигенција, а сосема јасно е дека електричниот хот хеч ќе испорача повеќе од оние 231 КС најавени со оригиналниот ID.2, за кој VW рече дека може да забрза од место до „стотка“ за помалку од 7 секунди.

Исто така, возачите ќе можат да ја користат новата GTI Experience Control на централната конзола за да им дадат на својот електричен хот хеч синтетизирана верзија на карактеристиките на управувањето, звукот и моторот што се наоѓаат во историските хот хеч модели како Mk1 GTI од 1976 година или од 1986 година.

Дизајнерот на ID.2all, шефот за стилизирање на VW, Андреас Миндт, вели дека веќе ја осмислил GTI верзијата кога го дизајнирал основниот модел. Тоа е забележливо по силните линии и мускулестиот став на обичниот ID2.all, кои се дополнително засилени за GTI со големата долна решетка со шестоаголна шема во предниот браник, страничните рабови што се извртуваат, продолжетоците на лакот, заден спојлер на задниот раб на покривот и поголем дел од дифузерот во задниот браник.

Ретро акценти

Volkswagen ID.GTI концептот пристигнува со еден куп значки GTI на предниот дел, вратите, праговите, тркалата и под беџот на задната врата, но има и други посублиминални референци на старите GTI модели, како што е црниот дел во долниот дел од предниот браник што е наменет. Праговите, опкружувањето на задното стакло и деловите на долниот заден браник се исто така избрани во црна боја и заедно со сегментираната лента под задните светла будат спомени на црните пластични браници на Mk1 и раните Mk2 Golf GTI. Предниот дел, од друга страна, добива црвена лента на решетката, а тркалата од 20 инчи се јасно инспирирани од бандажите поставени на Golf и Scirocco пред повеќе од 40 години.

Во ентериерот забележлив е спој на стари и нови влијанија. Ткаенината на седиштата е наречена Jack-e, што е референца на карираниот тапацир Jacky што се наоѓа во Mk6 GTI, а потпирачот за грб на возачкото седиште има пулсирачко LED отчукување за да ве извести кога автомобилот е заклучен. Управувачот со својот изглед потсетува на првиот Golf GTI, за инспирација за центарот на ниско поставени воздушни перничиња.

Класичниот менувач, исто така, добива уште еден излез, иако бидејќи контролата на менувачот е префрлена на управувачот, како кај ID.7 и новиот Passat, рачката сега функционира како бирач за GTI Experience Control  во централната конзола од која возачот може да ги прилагоди режимите на возење и изгледот на дигиталните дисплеи. Со избор на Vintage режимот, на пример, пакетот со дигитален мерач од 10,9 инчи ќе го добие изгледот на Mk1 GTI, а 12,9-инчниот екран исто така исто така добива визуелно преуредување.

Спој на минатото и иднината

Концептот доаѓа и со напреден head-up дисплеј со проширена реалност кој може да проектира информации на шофершајбната за да ги видат и возачот и патникот. Со избор на режимот GTI внатрешното осветлување се префрла во црвена боја и, доколку се најдете на тркачка патека, ќе добиете карта на патеката, плус податоците за вашиот круг.

Повеќе од јасно е дека Volkswagen не сака да се откаже од своето славно минато во новата електрична ера, а ниту GTI нема да го одмине неизбежната електрификација. Токму затоа, овој модел се чини како еден од клучните за германската марка, а обидот да ја спои 48-годишната историја на GTI модели со внатрешно согорување и електричната иднина може да се покаже како полн погодок. Сепак, кога овој концепт ќе стане реалност, се уште не е познато, а повеќе детали се очекува да пристигнат во следните денови.