Volkswagen очекува недостатокот на чипови да потрае до 2024
Проблемот со кој се соочуваат производителите останува нерешен, а Volkswagen очекува недостатокот на чипови да продолжи и во текот на целата 2023
Volkswagen очекува недостигот на полупроводници да продолжи во 2023 година и вели дека прекините во синџирот на снабдување доживеани во изминатите две години ќе станат „новото нормално“.
При неодамнешниот разговор со германското издание Automobilwoche, шефот за набавки на Volkswagen, Мурат Аксел, истакна дека геополитичките грижи кај водечките производители на чипови создале нови и предизвикувачки проблеми.
„Со новите геополитички прашања, ако ништо друго, тоа ќе стане уште покомплексно и попредизвикувачко“, рече Аксел. „Инвестициите за нов капацитет сега се на добар пат, но веројатно сè уште ќе има структурен недостиг во полупроводници до и вклучувајќи ја 2023 година“.
Во февруари, Аксел им рече на медиумите дека недостигот на чипови може да се реши сам по себе оваа година, но неговата перспектива очигледно се промени.
Германскиот производител на автомобили прави се што може за да го намали влијанието на недостигот во текот на целата година. На почетокот на 2022 година, компанијата мораше да го намали производството во фабриката во Волфсбург и воведе систем за рано предупредување дизајниран да открие недостиг од снабдување што и помогна да идентификува 150 технички алтернативи на полупроводнички чипови, известува Fortune.
Понатаму, Volkswagen се придвижи кон намалување на зависноста од полупроводници од водечките јужнокорејски производители. Нејзиниот софтверски оддел Cariad неодамна склучи договор и со европскиот добавувач на полупроводници STMicroelectronics и со тајванскиот TSMC за да создаде постабилно снабдување со чипови.
Истражувањето открива дека производителите на автомобили морале да отстранат 3,23 милиони возила од производството поради недостиг на чипови оваа година. Ова доаѓа како резултат на изгубени повеќе од 10 милиони единици во 2021 година. Северна Америка и Европа се особено тешко погодени со намалување на производството за 1.147.000 единици во Северна Америка и 1.089.000 во Европа. Аналитичарите очекуваат 2022 година да заврши со 4.071.200 изгубени возила поради недостигот, пишува Automotive News Europe.
