VW води во ЕВ продажбата во Европа, Dacia Sandero е севкупен бестселер
Според најновите податоци на JATO Dynamics за април, VW останува најпродаваната марка во Европа, додека Dacia Sandero е најпопуларен модел во април
Регистрациите на нови патнички автомобили во Европа скокнаа за 16% и бројката изнесувала 960.191 единици во април, главно благодарение на зголемената побарувачка за електрични возила. Голем број на возила со погон на согорување исто така уживаа во голема продажба минатиот месец.
Најпродаван модел во Европа во април бил Dacia Sandero со вкупно 18.659 примероци кои пронајдоа нови домови, што претставува огромен пораст од 44% во однос на април 2022 година. Други најпродавани модели се VW T-Roc (16.746 единици), Opel Corsa (16.578 единици), Renault Clio (15.592 единици) и Peugeot 208 со 15.026 продадени примероци. По нив на листата на најпродавани следуваат Fiat/Abarth 500, Toyota Yaris Cross, VW Golf, Dacia Duster, Škoda Octavia, Kia Sportage, Hyundai Tucson и Ford Puma.
Tesla Model Y останува најпопуларниот ЕВ со околу 10.553 продадени примероци во април, што е доволно за да ја задржи позицијата на најпродаван нов патнички автомобил во Европа до денес. Следниот најпродаван ЕВ е VW ID.4 со 6.452 продадени единици (за 125% зголемување од април 2022 година) и VW ID.3 со 5.913 продадени примероци, што е огромен пораст од 259% од април минатата година. Топ 10 најпродавани ЕВ возила се Škoda Enyaq iV, Dacia Spring, MG 4, Volvo XC40 Recharge, Fiat 500e, Peugeot e-208 и Renault Megane E-Tech.
Што се однесува до plug-in хибридите, најпродаваниот од сите е Ford Kuga со 4.055 продажби, позиционирајќи го над моделите како Volvo XC60, Lynk & Co 01, Kia Sportage и Hyundai Tucson.
Најпродавана марка
Volkswagen останува најпродавана марка во Европа, продавајќи 105.669 во текот на месецот, што е зголемување од 30% во однос на април 2022 година. Audi го зазеде второто место со 58.841 продажби пред Toyota со 54.224, Renault со 53.013 и BMW на петтото со 52.673 продадени нови возила. VW е и најпродаван кога станува збор за електричните возила, со вкупно продадени 31.900 единици во споредба со 14.200 продадени од Tesla.
Податоците од JATO Dynamics, исто така, откриваат дека минатиот месец во Европа биле продадени помалку возила од кинеско производство отколку што некои може да претпостават. Така, возилата произведени во Кина сочинуваа само 3,4% од пазарот, со вкупно само 32.000 единици.
„Овие резултати се директно поврзани со намалувањето на притисокот во синџирот на снабдување, што ја зголеми достапноста на нови автомобили“, рече глобалниот аналитичар на JATO Dynamics, Фелипе Муњоз. „Згора на ова, побарувачката продолжи да расте како одговор на притисокот од ОЕМ да ја прошират понудата на ЕВ“.
