Distinguished Gentleman’s Ride по втор пат во Скопје

Низ улиците на македонската метропола продефилираа, според официјалните податоци, 102 моторцикли, управувани од господа и дами во беспрекорна тоалета и гардераба како дел од хуманитарниот настан Distinguished Gentleman’s Ride. Парадата и овој пат беше дел од  глобалното движење поддржано од Мовембер фондацијата, со првенствена цел подигање на свеста за превенција од рак на простата и менталното здравје кај мажите. Според организаторите во Скопје се собрани 2004 долари, а на над 600 локации во светот 4.402.428 долари од близу 100.000 учесници. Главната цел е да се соберат пет милиони долари.

Ова беше навистина уште еден беспрекорно организиран настан во Скопје, а во параднот возење по централните градски улици, нашите сограѓани навистина се прикажаа во поинакво светло, како културни и модерни урбани ликови, „дуздисани и дотерани за мерак“, што е и главната цел на Distinguished Gentleman’s Ride, за да се разбијат стереотипите дека моторциклистите се секогаш оние кои се неуредни и не ги почитуваат сообраќајните правила и прописи. Им благодариме на организаторите што и овој пат ја ставија македонската метропола на светската мапа на Distinguished Gentleman’s Ride. Скопје се оддолжи достојно!